Dünya əhalisi kökəlir - Daha çox insan əziyyət çəkəcək

Aparılan yeni bir araşdırmaya görə, 2050-ci ilə qədər dünya əhalisinin yarısından çoxunun artıq çəkiyə malik və ya kök olacağı gözlənilir. 

Tədqiqat, köklüyün həm inkişaf etmiş, həm də inkişaf etməkdə olan ölkələrdə ciddi sağlamlıq problemi halına gəldiyini göstərir. 

Sfera az "Haberler.com"a istinadən xəbər verir ki, 2021-ci ilə qədər dünya əhalisinin təxminən yarısı artıq çəki və ya köklükdən əziyyət çəkib. 1990-cı ildən bəri həm kişilər, həm də qadınlar arasında bu sağlamlıq probleminin iki dəfə artdığı bildirilib. Əgər mövcud tendensiyalar davam edərsə, 2050-ci ilə qədər kişilərin 57,4%-i, qadınların isə 60,3%-i də artıq çəki və köklükdən əziyyət çəkəcək. 

Xüsusilə uşaqlar və gənclər arasında köklüyün 121% artacağı proqnozlaşdırılıb. Bu, gənc yaşlarda köklükdən əziyyət çəkənlərin sayının 2050-ci ilə qədər 360 milyona çatacağı deməkdir. Araşdırmada həmçinin, 2050-ci ilə qədər köklüyün ən çox Çin, Hindistan və ABŞ-da yayılacağı gözlənilir. 

Bəsti Rəfizadə