Bu vitamin Xərçəngi zəiflədir - “Onun çox olması da zərərlidir”
D vitamini, yalnız sümük sağlamlığına təsir etmir, eyni zamanda immunitet sistemini dəstəkləyir və bir çox xəstəliklərin inkişafının qarşısını alır. Son dövrlərdə D vitamininin xərçəngin qarşısını almaqda təsirli olub-olmaması mövzusu da geniş müzakirə olunur.
Sfera.az "Haber Türk"ə istinadən xəbər verir ki, Sağlamlıq Elmləri Universitetinin professoru, Məzhar Müslüm Tuna, xüsusilə uşaqlıq və yeniyetməlik dövründə D vitamini səviyyələrinin normal hədlərdə olmasının vacib olduğunu qeyd edib.
Onun sözlərinə görə, D vitamini səviyyəsi normal olan insanlarda tənəffüs yolu xəstəliklərinin və infeksiyanın şiddəti daha az olur. Həkim deyib ki, müntəzəm D vitamini qəbul edən uşaqlarda 1-ci tip diabetin inkişaf ehtimalı da azalır. Bununla yanaşı, Müslüm Tuna D vitamininin xərçəngin inkişafını azaltmasına və ya mövcud xərçəng probleminin zəiflətdiyinə dair heç bir tədqiqat nəticəsi yoxdur: “Bu səbəbdən, D vitamini ilə xərçəng arasındakı əlaqəni daha dərindən araşdırmaq üçün əlavə tədqiqatlara ehtiyac var. D vitamini çatışmazlığı yüngül və orta dərəcədə heç bir şikayətə səbəb olmadan müşahidə edilir. Lakin çox aşağı səviyyədə olanlarda zəiflik, yorğunluq və əzələ ağrıları ortaya çıxır”.
Həkim qeyd etdi ki, D vitamini çatışmazlığı uzun müddət davam edərsə, raxit, osteoporoz və sümük qırıqları kimi problemlər yarana bilər: “Tədqiqatlara əsasən, hər 5 böyükdən 4-də D vitamini çatışmazlığı var. Yaşlılar, qadınlar, ofis işçiləri və qocalar evlərində yaşayanlar daha çox risk altındadır. D vitamini səviyyəsinin ölçülməsi ümumi sağlam əhali arasında tövsiyə edilmir, lakin müəyyən risk qruplarında, məsələn, osteoporoz və ciddi mədə-bağırsaq problemləri olan şəxslərdə ölçülməsi və müalicəyə başlanılması lazımdır. Bununla yanaşı, D vitamininin həddindən artıq qəbulu da zərərli ola bilər. Bu, qanda kalsiumun artmasına və ürəkbulanma, qusma, iştahsızlıq, qəbizlik və böyrək çatışmazlığı kimi problemlərə səbəb ola bilər. Uzun müddətli istifadənin isə böyrək daşı və bəzi ürək-damar xəstəlikləri risklərini artırır”.
Bəsti Rəfizadə
