İnsanlar bu yaşlarda daha tez qocalır - Araşdırma
Stanford Universitetində aparılan araşdırmalar, insan orqanizmində qocalma prosesinin iki kritik dövrdə sürətlənməsini müəyyən edib. Tədqiqatda, yaşla əlaqəli sağlamlıq problemlərində, xüsusən dayaq-hərəkət sistemi və ürək-damar xəstəliklərində ani artımların olduğu müşahidə olunub.
Sfera.az xarici mediaya istinadən xəbər verir ki, qocalma prosesi mərhələli, xronoloji şəkildə deyil, müəyyən dövrlərdə baş verir.
Tədqiqatçıların diqqətinə çarpan əsas dəyişikliklər 40 yaşın ortalarında və 60 yaşın əvvəllərində müşahidə edilib. Stanford Universitetindən olan genetik Maykl Snayder deyir ki, insanlar zamanla tədricən dəyişmir, bəzi dövrlərdə sürətli dəyişikliklər yaşayır. Onun sözlərinə görə, 40 yaşın ortaları və 60 yaşın əvvəlləri bu dəyişikliklərin ən sıx olduğu dövrlərdir.
Tədqiqatın aparıcı müəllifi, metabolomika mütəxəssisi Xiaotao Şen, bu nəticələrin həm kişilər, həm də qadınlar üçün daha böyük amillərin rol oynadığını göstərdiyini qeyd edib. “Bu, menopozun qadınlara təsir göstərməsinə baxmayaraq, həm kişilər, həm də qadınlar üçün daha böyük amillərin rol oynadığını göstərir,” - deyə o əlavə edib. Şen, bu amillərin müəyyən edilməsinin gələcək tədqiqatlar üçün prioritet olmalı olduğunu da vurğulayıb.
Bəsti Rəfizadə
