İmmuniteti gücləndirmək üçün vitaminlərdən həkim məsləhəti olmadan istifadə qış mövsümündə artır. Ancaq balanslı qidalandıqda orqanizmdə vitamin çatışmazlığı olmur. Mütəxəssislər həkim məsləhəti olmadan istifadə edilən bu vitaminlərin orqanizmə ciddi ziyan vurduğunu bildirirlər.

Sfera.az bildirir ki, insanlar soyuq havalarda vitaminlərin bəzi xəstəliklərdən qoruduğu düşünür. Bəziləri bunun onları daha enerjili hiss etdirdiyinə inanır. Bununla belə, vitamin əlavələrinin öz başına və səhv istifadəsi orqanizmə xeyirdən çox zərər verir.

Beləliklə, nəyə diqqət etməlisiniz? Ehtiyat tədbirləri görülməsə nə olar?

"Vitaminlər orqanizmimizdə normal hüceyrə və molekulyar funksiyaların davam etdirilməsi üçün müəyyən miqdarda tələb olunur. Gündəlik tələb olunan vitamin miqdarı hər bir fərd üçün fərqlidir və bu miqdar xüsusilə yaşlı yaşda, malabsorbsiyaya səbəb ola biləcək xroniki xəstəliklərin olması zamanı, hamiləlik və laktasiya dövründə dəyişir. Vitaminlərin həkim nəzarəti olmadan istifadəsi çox ciddi sağlamlıq problemlərinə səbəb ola bilər" - deyə Dr. Bunu TRT News-a çıqlamasında bildirib.

Əlavələr əvəzinə balanslı bir pəhrizə diqqət etmək lazımdır

Digər mütəxəssis Dr. Əminə Zeynəb Taşkalə deyir ki, əgər insan kifayət qədər və balanslı qidalanırsa, orqanizmində vitamin çatışmazlığı olmayacaq.

''Vitaminlərin həddindən artıq qəbulu yorğunluq, ürəkbulanma, baş ağrılarından qaraciyərin zədələnməsinə və böyrək çatışmazlığına qədər ciddi yan təsirlərə səbəb ola bilər.''

"Məsələn, K vitamini qan durulaşdıran dərmanlarla təsir edə bilər. Həddindən artıq A vitamini qəbulu baş ağrısına, dəri qurumasına, saç tökülməsinə, qaraciyərin zədələnməsinə və qadınların menstruasiya pozğunluğuna səbəb ola bilər və nəticədə ürəkbulanma, qusma, qarın ağrısı və ürək ritmində problemlər yaradar. C vitamini bədəndə yığılmayan suda həll olunan vitamindir və uzun müddət həddindən artıq qəbulu böyrəklərdə və sidik yollarında daş əmələ gəlməsinə səbəb ola bilər."

Gülər

Vitaminlərin belə istifadəsi bədənə ciddi zərər verir