Qırx yaşdan sonra bu vitamini mütləq qəbul edin - MÜHÜM MƏSLƏHƏT

“Yaşı 40-ı keçən şəxslər hökmən D3 vitamini qəbul etməlidir. Bu vitamin onların immunitet sisteminin güclənməsinə, qan təzyiqinin sabitləşməsinə, xərçəng riskinin azalmasına və qocalma prosesinin ləngiməsinə kömək edəcək”. 

Sfera.az NEWS.RU-ya istinadən xəbər verir ki, bunu diyetoloq və parafarmasçı Yuliya Popova bildirib. 

Onun sözlərinə görə, D3 vitamini sağlamlığın qorunmasında əsas rol oynayır. O hesab edir ki, yaşı 40-ı ötən insanların bu vitamini qəbul etməsi xüsusilə vacibdir. 
Həkim D3 vitamininin kalsiumun normal mənimsənilməsi üçün lazım olduğunu söyləyib: “Kalsium normal mənimsəniləndə sümüklər güclənir, sinir impulslarının ötürülməsi yaxşılaşır, hormonların və fermentlərin istehsalı artır. Bu vitaminin çatışmazlığı sümüklərin zəifləməsinə və osteoporoz riskinin artmasına da səbəb ola bilər”. 

Həkim yaşı 40-ı ötən insanların C vitamininə diqqət yetirməsini də tövsiyə edib. Bu vitamin güclü antioksidant xüsusiyyətləri sayəsində qocalmanı ləngidir, karbohidrat mübadiləsini sürətləndirir, çəki və qan şəkərinin səviyyəsini idarə etməyə kömək edir. Bundan əlavə, Popova maqnezium, kollagen və omeqa-3-ün orqanizm üçün vacib elementlər olduğunu deyib. 

Həkim sadalanan vitaminlərin müxtəlif qidalarda, o cümlədən qoz-fındıq, göyərti və balıqlarda zəngin olduğunu bildirib. 

Vasif