Alimlər uşaqlıqda fiziki fəaliyyətin olmamasının təhlükələrini aşkar ediblər - TƏDQİQAT

Beynəlxalq alimlər qrupu müəyyən ediblər ki, uşaqlarda fiziki fəaliyyət depressiya və narahatlıq səviyyəsini azaltmağa kömək edir. 

Sfera.az xəbər verir ki, bu  xüsusilə autizmli və diqqət çatışmazlığı hiperaktivlik pozğunluğu olan uşaqlar üçün vacibdir, çünki onların sağlam uşaqlara nisbətən psixi xəstəliklərin inkişaf riski əhəmiyyətli dərəcədə yüksəkdir. 

Böyük Milli Uşaq Sağlamlığı Tədqiqatının məlumatlarının təhlilində tədqiqatçılar fiziki fəaliyyətdə iştirak edən autizm olan uşaqların daha az aktiv olan yaşıdlarına nisbətən narahatlıq və depressiyaya daha az məruz qaldığını aşkar ediblər. 

Qeyd edək ki, autizmli uşaqlar arasında fiziki fəaliyyət göstərməyən uşaqların 69%-i bu narahatlıqdan əziyyət çəkibsə, həftədə ən azı bir gün fiziki aktiv olan uşaqlarda bu rəqəm 55%-ə enib.

Alimlər müəyyən ediblər ki, fiziki fəaliyyətlə məşğul olan uşaqlarda depressiya daha az müşahidə olunur. Məsələn, autizmli uşaqlar arasında fiziki cəhətdən qeyri-aktiv olanların 39%-i depressiyadan əziyyət çəkirdisə, həftənin 1-3 günü fiziki aktiv olanlarda bu rəqəm 29%-ə, aktiv olanlar arasında isə 4-7%-ə düşüb. 

Tapıntılar fiziki fəaliyyətlə psixi sağlamlıq arasında əlaqəni göstərsə də, səbəb-nəticə əlaqəsini dəstəkləmir. Ola bilsin ki, narahatlıq və depressiya uşaqların fiziki fəaliyyətlə məşğul olmaq imkanlarını məhdudlaşdırır. Alimlərin fikrincə, bu məsələ əlavə araşdırma tələb edir.

İnci