Göbələk bu xəstəliklərin yaranmasının qarşısını alır - Mütəxəssisdən TÖVSİYƏ

Bəzi tərəvəzlərin faydası xüsusilə vurğulanır. Son zamanlar isə demək olar, əksər yeməklərdə də istifadə olunan göbələyin orqanizmə təsirləri müzakirə obyektidir.

Bununla bağlı Sfera.az-a açıqlama verən tanınmış həkim Ramin Quliyev deyib ki, göbələk D vitamini ilə zəngin olan təbii qidalardan biridir:

“Son illərdə xərçəng və piylənmə kimi bir çox vacib xəstəliklərlə əlaqəli olan D vitamini çox az qidada mövcuddur. 300 qram göbələk gündəlik D vitamininin 20% -ni qarşılayır. Kalorisi çox azdır, 100 qramında 15-20 kalori olan göbələyin 85-90% -i sudur. Sıfır xolesterolu olan göbələklərdə karbohidrat və protein miqdarı daha yüksəkdir, doymuş yağ yoxdur. Göbələk suplarda, tərəvəz yeməklərində, pasta, omlet, qarnir və salatlarda tez-tez istifadə edilə bilər. Mümkün qədər qısa müddətdə bişirmək ən düzgün bişirmə üsuludur”.

Mütəxəssis bildirdi ki, bəzi göbələk növləri B12 vitamininə malikdir:

“Göbələklər zəngin selenium mineralına malikdir, bu da xərçəngdən qoruyan və toxunulmazlığı gücləndirən bir antioksidandır. Bu tərəvəzlərdə həmçinin kükürd tərkibli amin turşusu olan ergotionoein var və bu amin turşusu bədən hüceyrələrində antioksidan rolunu oynayır. Eyni zamanda, tiamin, riboflavin, niacin, biotin, C vitamini, fosfor, kalium və mis ilə zəngindir. Ürək sağlamlığının qorunmasında, xərçəngin bəzi növlərində və xərçəng müalicəsi zamanı immunitet sisteminin güclənməsində aktiv rol oynayır”.

Türkan