Damar sərtləşməsinin və infarktın qarşısını alır... - Bol-bol yeyin!
Tərkibində olan vitaminlər, minerallar və antioksidantlar sayəsində üzüm ürəkdən gözə qədər müxtəlif orqanlar üçün faydalıdır.
Sfera.az xəbər verir ki, üzüm sümük sınması riskini azaldır. Tərkibində olan K vitamini, kalium, kalsium və maqnezium sümüklərin sağlamlığı üçün vacib komponentlərdir. Həmçinin bu meyvə immuniteti gücləndirir. 1 stəkan üzümdə 4,8 mq c vitamini var. Üzüm bakteriyalar və viruslara qarşı da orqanizmi qoruyur.
Bu meyvə ürək fəaliyyətini stimullaşdırır.
2019-ci ildə “Nutrients” dərgisində yayımlanan araşdırma məqaləsinə görə üzüm damar sərtləşməsinin və infarktın qarşısını alır. O həmçinin qan təzyiqini normada saxlamağa kömək edir.
Tərkibində olan lütein və zeaksantin piqmentləri göz üçün faydalıdır. Bu piqmentlər görmə kontrastını və məsafəsini artırmağa kömək edir.
Ülkər Abdurahmanlı
