Arıqlatmır, mədəyə və dişə zərər vurur - Pəhriz saxlayanların NƏZƏRİNƏ!

Arıqlamaq üçün alma sirkəsindən istifadə diş minasının vəziyyətinə mənfi təsir göstərə, həmçinin ürəkbulanma və mədə narahatlığına səbəb ola bilər. 

Sfera.az xəbər verir ki, bu barədə "Daily Mail" Midlseks Universitetinin alimlərinin araşdırmasına və Böyük Britaniyanın Milli Səhiyyə Xidmətinin ekspertlərinin rəyinə istinadən məlumat yayıb.

Midlseks Universitetinin britaniyalı alimlərinin araşdırmasına görə, alma sirkəsinin saf formada içilməsinin mümkün yan təsirləri arasında ürəkbulanma və mədə şirələrinin yüksək turşuluğu səbəbindən yavaş həzmin olması daxildir. Tədqiqatçılar qeyd ediblər ki, alma sirkəsinin çəki azaltmaq qabiliyyətinə dair kifayət qədər elmi dəlil yoxdur.

Böyük Britaniyanın Milli Səhiyyə Xidmətinin mütəxəssislərinin fikrincə, alma suyu sirkəsini istehlak etmək diş minasının - dişlərin səthində olan sərt qoruyucu təbəqənin məhvinə səbəb ola bilər. Belə ki, çox yüksək turşuluğa malik məhsula məruz qalma dişdəki bakteriyaların altındakı daha yumşaq struktur maddəyə (dentin) nüfuz edərək kariyesə səbəb olur.

İnci