Bu şəkildə idman etmək dərinizə zərər vuracaq - ARAŞDIRMA

Üzdə tonal kremlə idman etmək dərinin sağlam qalmasında mühüm rol oynayan sebumun ifrazına mane olur.

Sfera.az xarici KİV-ə istinadən xəbər verir ki, San Antoniodakı Texas A&M Universitetinin əməkdaşı Sukho Li və həmkarları 20 kişi və 23 qadın olmaqla 43 kollec tələbəsi üzərində araşdırma aparıblar.

İştirakçılar əvvəlcə üzlərini təmizləyici vasitə ilə yuyublar. Tədqiqatçılar dərilərdə ölçmələr aparıblar. Sonra bütün iştirakçıların üzlərinə bir qat tonal krem çəkilib. Onlar qaçış zolağında 5 dəqiqə ərzində 3 km/saat, 10 dəqiqə 4 km/saat və 5 dəqiqə ərzində 5 km/saat sürətlə qaçmaqla 20 dəqiqəlik idman ediblər.

Məşqdən sonra tədqiqatçılar yenidən ölçümü təkrarlayıblar və makiyajsız bölgələrlə müqayisədə tonal kremin tətbiq olunduğu yerlərdə sebumun azaldığını aşkar ediblər. Nəticələr göstərib ki, üzdə tonal kremlə idaman etmək dəri yağını azaldaraq quruluğa səbəb olur. Bundan əlavə, makiyaj məsamələri bağlaya bilər. 

Koreya Milli Təhsil Universitetinin müəllifi Donqsun Park deyib ki, idman etməzdən əvvəl dərini makiyajdan təmizləmək lazımdır.

Firuzə Əliyeva