COVID-19 xəstəliyi qadınların cinsi həyatına ağır zərbə vurur - ARAŞDIRMA
ABŞ-nin Vermont Universitetinin alimləri müəyyən ediblər ki, COVID-19 qadınların cinsi həyatının keyfiyyətini uzun müddət aşağı sala bilər.
Sfera.az xəbər verir ki, araşdırmanın nəticələri "Journal of Sexual Medicine" (JSM) jurnalında dərc olunub.
Tədqiqatçılar 1300-dən çox qadının cinsi sağlamlığı və libido səviyyələri haqqında məlumat toplayıblar. Onların arasında bəziləri heç vaxt COVID-19-a yoluxmamış, digərləri virusa yoluxmuş, bəziləri isə uzunmüddətli COVID-19-a yoluxmuş və ya tədqiqatın başlamasına ən azı üç ay qalmış yoluxmuş olub. Alimlər həmçinin xüsusi sorğu vərəqləri vasitəsilə iştirakçıların depressiya, narahatlıq və stress səviyyələrini ölçüblər.
Uzun müddət COVID-19 xəstəsi olmuş qadınlar digər qruplarla müqayisədə cinsi əlaqə zamanı libidonun azaldığını, ağrı və narahatlığın artdığını bildiriblər. Alimlər hesablayıblar ki, uzun müddət COVID-19 olan qadınlarda cinsi istək səviyyəsi 12% azalıb. Eyni zamanda, heç vaxt COVID-19-a yoluxmayan iştirakçılar cinsi əlaqədən narahatlıq hiss etməyiblər.
Tədqiqatçılar bildiriblər ki, uzunmüddətli COVID-19 xəstəsi olmaq yorğunluq, apatiya və başgicəllənmə ilə yanaşı, həm də cinsi orqanlara qan axınını azaldaraq libidonun azalmasına səbəb ola bilər.
İnci
