Çay içməyin inanılmaz faydası məlum oldu - Alimlərdən yeni ARAŞDIRMA

Bir qrup çinli alim çayın qocalma ilə mübarizə apardığını və müntəzəm istehlak edildikdə bioloji yaşı azaltdığını deyib.
 

Sfera.az xəbər verir ki, bu içkinin faydalı xüsusiyyətləri ilə bağlı araşdırmanın nəticələri "The Lancet Regional Health - Western Pacific" jurnalında dərc olunub.
 

Birinci mərhələdə ekspertlər iştirakçılar arasında sorğu keçirərək onların hansı növ çaya üstünlük verdiyini və onu nə qədər tez-tez içdiklərini öyrəniblər. Sonra iki il ərzində alimlər iştirakçıları müşahidə ediblər və onların bioloji yaşı haqqında məlumat toplayıblar. Tədqiqatda Böyük Britaniyadan 37-73 yaş arası 5998 və Çindən 30-79 yaş arası 7931 nəfər iştirak edib.
 

Tədqiqatın aparıcı müəlliflərindən biri Yi Xiang, "Gündə təxminən üç fincan çay və ya 6-7 qram çay yarpağı içməyin yaşlanma əleyhinə təsir göstərə biləcəyini gördük", deyib.

O, bioloji yaşın azalmasının çayın tərkibində çoxlu miqdarda olan maddələr və aktiv birləşmələr səbəbindən baş verdiyini vurğulayıb. O, qeyd edib ki, ən böyük effekti içkini müntəzəm və ölçülü şəkildə içən iştirakçılar hiss edib. O, digər müsbət amil kimi alkoqoldan imtina etməyi nümunə gətirib.

 

İnci