"Bu şəraitdə sistem vurdurmaq çox təhlükəlidir" - Professor AÇIQLADI

Respirator və mövsümi infeksiyaların yayılması sistem və antibiotik vasitəsilə müalicəni zəruri edir. İnsanların bir çoxu da həkim nəzarəti olmadan evdə sistem vurdurmağa üstünlük verirlər. Amma nəzarət olunmadan vurulan sistemlərin fəsadları böyükdür.

Sfera.az xəbər verir ki, bu barədə Prof.Dr. Nurəddin Özgür Doğan danışıb.

O, bildirib ki, venadaxili yeridilmiş antibiotikləri həkim nəzarəti ilə etmək lazımdır. “Əks halda, bir sıra allergik reaksiyalar baş verə bilər. Evdə sistem vurdurmaq sağlamlığınız üçün çox təhlükəlidir. Ev şəraitində sistem vuran insanlar iynəni damara düzgün yeridə bilmir və bu da xəstənin halının pisləşməsinə səbəb olur. Buna görə sistemlərin xəstəxana şəraitində, həkim nəzarəti ilə vurulmağı tövsiyə olunur”.

Ülkər Abdurahmanlı