BMT-nin Baş katibi Antonio Quterreş COVID-19 epidemiyasının iqtisadi təsirlərinin davam etdiyini söyləyib. 

Sfera.az xəbər verir ki, bu barədə “Ntv Haber” məlumat yayıb.

Onun sözlərinə görə, COVID-19 beynəlxalq səhiyyə sistemində əvvəlki aktuallığını qoruyub saxlamır:

“Amma onun dağıdıcı təsirləri hələ də davam edir. Növbəti epidemiya təhlükəsi var. Biz ona çox yaxşı hazırlaşmalıyıq. Səhiyyə sistemini gücləndirməli və universal səhiyyə əhatəsini qurmaq üçün bir çox ölkələrlə əməkdaşlıq etməliyik”.

Quterreş bildirib ki, epidemiyadan lazımi dərslər alınmalı və buna uyğun hərəkət edilməlidir.

Qeyd edək ki, BMT Baş Assambleyası COVID-19 epidemiyasından dərs almaq və gələcək epidemiyalara hazır olmaq üçün 27 dekabr 2020-ci ildə qətnamə qəbul edib.

Ülkər Abdurahmanlı