“Dünyanın yeni pandemiyası” – ÜST AÇIQLADI
Türkiyənin Həyat Xəstəxanası “Ümumdünya Diabet Günü” çərçivəsində insanları maarifləndirmək üçün silsilə tədbirlər həyata keçirib.
Sfera.az xəbər verir ki, xəstəxanın Baş Həkimi Dr. Fatih Özkul həmin tədbirlərdə diabet xəstəliyi haqqında danışıb.
Onun sözlərinə görə, Ümumdünya Səhiyyə Təşkilatı diabeti epidemiya, yəni pandemiya hesab edir.
"Söhbət təkcə şəkərdən getmir. Bu xəstəlik qaraciyər, böyrəklər, ürək, beyin və sinir sistemi, eləcə də mərkəzi sinir sistemi üçün təhlükəli xroniki xəstəlikdir. Diaqnozu asan olan bu xəstəliyin müalicəsi çox önəmlidir”.
Həkim həmçinin qeyd edib ki, bütün dünyada şəkərli diabet xəstələrinin sayı artır və 2020-ci ilə qədər Türkiyədə 5 milyon şəkərli diabet diaqnozunun olacağı gözlənilirdisə, hazırda 2020-ci ildən sonra 7 milyondan çox şəkərli diabet diaqnozu qoyulub.
Xatırladaq ki, 2000-ci illərdə dünyada 171 milyon şəkərli diabet xəstəsi olduğu halda, 2025-ci ildə bu rəqəmin 380 milyonu keçəcəyi gözlənilir.
Ülkər Abdurahmanlı
