Donuz ürəyinin insana transplantasiyası heç bir əks təsir göstərməyib
Donuz ürəyinin insana transplantasiyasından sonra heç bir əks təsir və ya infeksiya əlamətləri müşahidə edilməyib.
Sfera.az CNN-ə istinadən xəbər verir ki, geni dəyişdirilmiş donuz ürəyinin ürək xəstəliyinin son mərhələsində olan xəstəyə köçürülməsi üzrə eksperimental prosedurdan bir ay sonra həkimlər ürəyin sərbəst işlədiyini və heç bir əks təsirin olmadığını bildiriblər.
58 yaşlı Lourens Fauçette sentyabr ayında əməliyyat olunub.Lourens Fauçette dünyada eksperimental donuz ürəyi transplantasiyası edilən ikinci şəxsdir. O, əməliyyatdan sonra fizioterapiya alır. Fauçettenin ürək xəstəliyi və əvvəllər mövcud olan şərtlər onun ənənəvi ürək transplantasiyasına uyğun olmadığını göstərib.
Cərrahiyyə əməliyyatını həyata keçirən Merilend Universiteti Tibb Fakültəsinin (UMMC) Ürək və Ağciyər Transplantasiyası Proqramının direktoru bildirib ki, hazırda infeksiyaya və orqanizmin imtinasına dair heç bir fakt yoxdur.
UMMC-nin Kardiyak Ksenotransplantasiya Proqramının direktoru Məhəmməd Mohiddin isə ürək dərmanlarını ləğv etdiklərini və Fauçettenin ürəyinin sərbəst işlədiyini qeyd edib.
Xəstəxana Fauçettenin fiziki terapiya aldığı görüntüləri də yayıb. Fauçette hələ ayaq üstə köməksiz qala bilməsə də, yataqdan özü qalxa bilir.
Qeyd edək ki, Fauçette xəstəxanaya ilk dəfə sentyabrın 14-də ürək çatışmazlığı diaqnozu ilə qəbul edilib. Xəstəxanada olarkən onun ürəyi ikinci dəfə dayanıb və həkimlərin səyi nəticəsində həyata qaytarıla bilib.
Aynil Camal