Gözümüzü “kor edən” vərdişlər – Oftalmoloqdan “bunları etməyin” məsləhəti

Uzanıqlı vəziyyətdə oxumaq və işləmək vərdişi görmə qabiliyyətinə mənfi təsir edir.

Sfera.az xəbər verir ki, bu barədə oftalmoloq, mikrocərrah, tibb elmləri namizədi Svetlana Mirqorodskaya xəbərdarlıq edib.

Mirqorodskayanın fikrincə, görmə qabiliyyətini pozan əsas amillərdən biri də yaxından nəyəsə baxmaqla göz əzələlərini əlavə yükləməkdir. Həkim kompüterdə işləyərkən və ya kitab oxuyarkən hər saatın tamamında fasilə verərək 5-10 dəqiqə uzaq məsafəyə baxmağı tövsiyyə edir.

Oftalmoloq zəif işıqlandırma şəraitində görmə gərginliyinin yaranmasının görməni pisləşdirən digər  hal olduğunu deyib.

"Çox parlaq və ya zəif işıq səbəbindən göz əzələlərində gərginlik artır və bu da onların spazmına səbəb olur. Həmçinin bu səbəbdən quru göz sindromu yarana bilər"-, deyə mütəxəssis izah edib.

Mirqorodskaya insanları uzanaraq işləmək və ya kitab oxumaq vərdişindən əl çəkməyə çağırıb. “Bu vəziyyətdə işləyərkən boyun əzələlərində gərginlik artır, baş, boyun və gözlərin qan təchizatı pisləşə bilər. Bundan əlavə, göz əzələləri daha çox yük alır",- mütəxəssis qeyd edib.

Əzizə