\"ABŞ yeni pandemiya planı hazırlayır\" - ŞOK İDDİA
"2023-cü ilin iyulunda ABŞ-də yaradılmış Pandemiyaya Hazırlıq və Cavab Siyasəti İdarəsi virus mutasiyalarını həyata keçirməklə yeni pandemiya planı hazırlayır".
Sfera.az TASS-a istinadən xəbər verir ki, bunu Radiasiya, Kimyəvi və Bioloji Mühafizə Qüvvələrinin rəisi general-leytenant İqor Kirillov bildirib.
Kirillov ABŞ-nin qlobal nəzarəti ələ keçirmək niyyətinin olduğunu qeyd edib:
"Birləşmiş Ştatların bioloji vəziyyətə qlobal nəzarət yaratmaq üçün strateji planlarını irəli sürməyə yönəlmiş növbəti addımı Pandemiyaya Hazırlıq və Cavab Siyasəti İdarəsinin yaradılması idi. Ofisin prioritetləri virusları və onların genetik cəhətdən dəyişdirilmiş variantları üçün peyvəndlərin və dərmanların yaradılması, eləcə də qabaqcıl bioistehsal texnologiyalarının tətbiqi işini əhatə edir".
Kirillov bildirib ki, ABŞ bununla da virus mutasiyaları üçün axtarış apararaq yeni pandemiyaya hazırlaşmağa başlayıb:
“Biz istisna etmirik ki, Birləşmiş Ştatlar hücum məqsədləri üçün, eləcə də bioloji xarakterli böhran vəziyyətləri yaratmaqla qlobal idarəetmə üçün müdafiə texnologiyalarından istifadə edə bilər. Ofisə ABŞ prezidentinin xüsusi köməkçisi və Milli Təhlükəsizlik Şurasında qlobal sağlamlıq təhlükəsizliyi və biomüdafiə üzrə baş direktor, Hərbi Hava Qüvvələrinin istefada olan general-mayoru Pol Fridrixs rəhbərlik edəcək".
İnci
