"Bu il COVID-19-un sonunu elan edə bilərik, ancaq..." - Qebreyesus
Ümumdünya Səhiyyə Təşkilatı (ÜST) ilin əvvəlindən bəri yeni növ koronavirusdan (Covid-19) ölüm hallarının 95 faiz azaldığını açıqlayıb, lakin virusun hələ də mövcud olduğu barədə xəbərdarlıq edib.
Sfera.az xəbər verir ki, ÜST-nin baş direktoru Tedros Adhanom Qebreyesus dünən keçirdiyi mətbuat konfransında bu barədə məlumat verib.
Qebreyesus bəzi ölkələrdə ölüm nisbətlərinin artdığına diqqət çəkərək, son 4 həftədə 14 min insanın koronavirusdan öldüyünü deyib:
“Yeni XBB.1.16 variantının ortaya çıxması virusun hələ də mutasiyaya uğradığını və yeni dalğalar törətmək qabiliyyətinə malik olduğunu göstərir. Bu il biz ümidliyik ki, COVID-19-un sonunu elan edə bilərik. Ancaq bu virus qalacaq və bütün ölkələr onu digər yoluxucu xəstəliklərlə birlikdə idarə etməyi öyrənməli olacaqlar”.
İnci