Gündə cəmi 3-4 qısamüddətli fiziki fəaliyyət idman zalını əvəz edə və vaxtından əvvəl ölüm riskini azalda bilər.

Sfera.az “Daily Mail”-ə istinadən bildirir ki, Sidney Universitetinin Çarlz Perkins Mərkəzinin tədqiqatçılar qrupu belə qənaətə gəlib.

VILPA-lar insanın hər gün etməkdən həzz aldığı çox qısa intensiv fəaliyyət dövrləridir. Məsələn, avtobusa yetişmək üçün dayanacağa qaçmaq, tapşırıqları yerinə yetirərkən sürətli gəzmək və ya uşaqlarla qaçıb-tutmaq oyunları oynamaq kimi.

Tədqiqatçılar həftə ərzində İngiltərədə 25 000-dən çox qeyri-idmançının aktivliyini ölçmək üçün təcrübə aparıb. Təcrübə iştirakçılarının hamısı boş vaxtlarında idman etmədiklərini bildirən insanlar olub. Təcrübə itirakçılarının məlumatları yeddi il ərzində izlənilib.

Nəticələr hər gün sadəcə üç-dörd dəqiqəlik VILPA hərəkətlərinin bütün səbəblərdən və xərçəngdən ölüm hallarının 40%, eləcə də ürək-damar xəstəliklərindən ölüm riskinin 49% azalmasını göstərib.


Professoru Emmanuel Stamatakis bildirib ki, 40 və yuxarı yaşlıların əksəriyyəti müntəzəm məşq və ya idmanla məşğul olmur, lakin bu araşdırma gündəlik fəaliyyətin sağlamlıq üçün necə faydalı olduğunu göstərir:

"Gündəlik fəaliyyətinizin intensivliyini artırmaq vaxt, məşq, kluba getmək və ya xüsusi bacarıq tələb etmir. Bu, sadəcə olaraq, gəzinti zamanı tempinizi artırmaq və ya bir az daha çox enerji ilə ev işləri görməkdən ibarətdir."


Tədqiqatın nəticələri bu tip yüngül intensiv hərəkətlikiyin müntəzəm olaraq idman edənlərin nəticələrinə bərabər olduğunu sübut edib.

Xanım