ÜST-dən koronavirusla bağlı CİDDİ XƏBƏRDARLIQ: Hər üç qadından biri...

ÜST-ün baş direktoru Tedros Adhanom Ghebreyesus dünyaya ciddi xəbərdarlıq edib.

Sfera.az bildirir ki, “The Guardian” özəl açıqlama verən Tedros koronavirusa yoluxanların uzunmüddətli simptomlar yaşadığını deyib. Onun sözlərinə görə, COVİD-19-a yoluxub sağ qalmış şəxslərin 10-20 faizi hələ də yorğunluq, nəfəs darlığı və koqnitiv disfunksiya kimi problemlərlə üzləşir:

“Koronavirus on milyonlarla insanın həyatını və dolanışıq vasitələrini məhv edib, səhiyyə sistemlərinə və iqtisadiyyata ziyan vurub. Dünya ölkələrini "təcili" və "davamlı" fəaliyyət planına başlamağa çağırıram. Əks halda dünya çox ciddi böhranla qarşı-qarşıya qalacaq. Virusa yoluxan çoxlu sayda insan, hələ də infeksiya dalğalarından əziyyət çəkən səhiyyə sistemlərinə və iqtisadiyyatlara təhlükəli təsir göstərir”.

Bu ay dərc edilən araşdırmalara əsasən isə, təkcə Avropada 17 milyon insan pandemiyanın ilk iki ilində uzunmüddətli koronavirus simptomları yaşayıb. Hesabata görə, hər üç qadından biri və beş kişidən birində bu ehtimal müşahidə olunub. ÜST qeyd edib ki, dünya artıq xəstəlik, ölüm, yorğunluq və planlaşdırılmamış təqaüdə çıxmaqla öz işçi qüvvəsinin əhəmiyyətli bir hissəsini itirib.

Tedros Adhanom Ghebreyesus “uzunmüddətli koronavirus”la mübarizə səylərini inkişaf etdirmək üçün 5 əsas elementin vacibliyini vurğulayıb: “Ölkələr xəstələri dinləməli, “Long Covid” siyasətinin formalaşdırılması üçün ilk biliklərdən istifadə edilməli, vəziyyəti daha yaxşı başa düşmək üçün məlumat toplanmalıdır. Bundan əlavə, dünya miqyasında məlumat boşluqlarını sürətlə aradan qaldırmaq işlər aparılmalı, infeksiyaların qarşısını almaq üçün ilk növbədə Covid testlərinə, müalicələrinə və peyvəndlərinə ədalətli giriş təmin edilməlidir”.

Günay Rəsulqızı