Səhər acqarnına soyuq su içənlərə XƏBƏRDARLIQ
21:22 / 14.09.2016
6377
Səhər yuxudan duran kimi acqarına su içməyin orqanizmə faydalı olduğu çoxlarına məlumdur. Bəzi iddialara görə, suyu soyuq içmək daha xeyirdir. Türkiyəli həkim Fevzi Özgönül isə səhər yeməyindən öncə çox soyuq və ya isti su içənlərə xəbərdarlıq edib.
Həkimin bu haqda məsləhətlərini təqdim edirik:
F.Özgönül ilk növbədə çəki azaltmaq və ya maddələr mübadiləsini sürətləndirmək məqsədi ilə səhər yuxudan oyandıqdan sonra soyuq su içməyin səhv addım olduğunu vurğulayır. Həkim normal insanın bədən istiliyinin 36-37 dərəcə olduğunu xatırladır. Bu halda daxili orqanlar 10-12 dərəcə fərqə qədər problem yaratmaz, lakin fərq daha çox olsa, zərər görməyə başlaya bilər: "Əgər bədəninizi sevirsinizsə, onu isti yataqdan bir vedrə buz kimi su tökərək oyandırmayın. Həzm sistemini ana şəfqəti ilə oyandırmaq əvəzinə, üzərinə bir vedrə soyuq su tökərək oyandırmaq düzgün deyil. Soyuq su içsəniz, bədən temperaturu ilə suyun temperaturu arasındakı böyük fərq səbəbindən mədə sıxılar və suyu daha çox zədə yaratmasın deyə bağırsağa keçirməz. Soyuq, ya isti su mədə içərisində qaldığı üçün burdakı turşu sekresiyasına da pis təsir edərək, həzmi zəiflədər. Belə olduqda isə rahat səhər yeməyi yemək əvəzinə narahatlıq yaşayarsınız. Siz bunda yediyiniz qidanı günahlandıra bilərsiniz, lakin əsl günahkar heç düşünmədən yalnız çəki azaltmaq üçün bədəninə pis davranan sizsiniz".
Həddindən artıq isti içkilər eyni reaksiyaya səbəb ola bilər. Buna görə də nə içmək istəyirsinizsə, bunun istiliyi bədən istiliyindən 10-12 dərəcədən çox isti və ya çox soyuq olmamalıdır.
Həkim bildirir ki, bədənin artıq çəki almasına səbəb olan göbək, omba və budlarda yağ halqası sizi qorumaq üçün meydana gəlir. Misal üçün, ayaq biləyiniz burxulduqda şişdiyi kimi: "Əgər siz həzm sisteminizi gücləndirsəniz, sağlam qidalandırsanız, toxumalar yenidən əvvəlki sıxlığına və sağlamlığına qovuşar. Siz də ideal bədəninizə və çəkinizə qovuşarsınız. Bu səbəbdən də bədəninizlə pis davranmaq, ac qoymaq əvəzinə ona nəvazişlə yaxınlaşıb sanki körpəyə qulluq edirmiş kimi ehtiyaclarını qarşılasanız, hədəfinizə daha tez çatarsınız".
Lent.az //
Sfera.az