Artıq valideynlər həkim növbəsində dayanmayacaq - VİDEO
Valideynlər uşaqlarını həkimə apararkən növbə gözləmələrinə ehtiyac qalmayacaq. Artıq paytaxtdakı dörd poliklinikada onlayn qeydiyyat sistemi pilot layihə kimi tətbiq olunur. Yaxın vaxtlarda bu layihə bütövlükdə Bakını əhatə edəcək.
Artıq valideynlərin həkim növbəsində dayanmalarına ehtiyac qalmayacaq. Valideynlər övladlarını qeydiyyatda olduqları poliklinikadakı həkim qəbuluna internetlə yazdıra biləcəklər.
Seçdiyiniz həkim və qəbul vaxtı sizin emailinizə göndərilir. Həkim qəbulu ilə yanaşı, evə çağırışlar da onlayn şəkildə həyata keçirilir. Belə ki, siz poliklinikaya onlayn qaydada müraciət etdikdə, sizə sahə həkiminizi təyin edirlər. Hazırda onlayn həkim qəbulu və evə çağırış 18 yaşına çatmamış uşaqlar üçün tətbiq olunur.
Səhiyyənin İnformasiyalaşdırılması Mərkəzinin direktoru Cəbrayıl Əsədzadə deyir ki, əgər uşaqlar üçün onlayn həkim qəbulu uğurlu alınarsa, bu təcrübədən böyüklər üçün də istifadə olunacaq.
