Koronavirusa görə iybilmənin itməsi soyuqdəymə və zökəmdən necə fərqlənir?
Sağlıq
22:00 / 19.08.2020
5063
COVID-19-a yoluxmuş insanlarda iybilmə bacarığının itməsi kəskin soyuqdəymə və zökəm zamanı pasiyentlərdə müşahidə olunandan xeyli fərqlənir.
Sfera.az xəbər verir ki, BBC avropalı araşdırmaçıların bu mövzuda apardığı araşdırma barədə məqalə dərc edib.
Məlum olub ki, zökəm və soyuqdəymədən fərqli olaraq koronavirus xəstələrində burun axması və burun tutulması hallarına rast gəlinmir və onlar burunları ilə nəfəs ala bilirlər. Belə ki, onlarda sadəcə iybilmə itir.
Onları fərqləndirən digər məqam isə həm də dadbilmənin itməsidir. Bu o demək deyil ki, koronavirusa yoluxmuş insanlar iybilmə qabiliyyətini itirdiklərinə görə paralel olaraq şirin və acı dadları ayıra bilmirlər.
Ekspertlər güman edir ki, səbəb virusun sinir sistemindəki iybilmə və dadbilmə hisslərini kontrol edən tellərə eyni vaxtda təsir etməsidir.
Araşdırmaçılar 30 könüllüdən ibarət 3 qrup üzərində müşahidələr apararaq bu qənaətə gəliblər: 10 nəfər koronavirusdan, 10 nəfər zökəmdən müalicə alan, 10 nəfər isə sağlam insan arasında keçirilən təcrübə sonucunda birincilərdə virusun iybilmə və dadbilməyə birgə təsiri qeydə alınıb.
Cons Hopkins Universitenin əməkdaşları isə koronavirusun iybilməyə təsirlərini öyrənmək üçün insan burnunda yer alan ACE-2 enzimləri üzərində araşdırma aparıblar və koronavirusun məhz bu enzimlərdən bədənə daxil olub yayıldığını düşünürlər.
Onlar araşdırmaları davam etdirdiklərini və bu qənaətin təcrübələr nəticəsində yəqinləşəcəyi halda qabaqlayıcı vasitələr üzərində işləməyə başlamağın mümkün olacağını bildiriblər. (report.az)
