Saakaşvilinin dönüşü: Mişa niyə öz ayağı ilə həbsə girdi? – Müsahibə

Saakaşvilinin dönüşü: Mişa niyə öz ayağı ilə həbsə girdi? – Müsahibə
Siyasi şərhçi Asif Nərimanlının Sfera.az-a müsahibəsi.

- Asif bəy, Gürcüstanın eks-prezidenti Mixail Saakaşvili səkkiz ildən sonra ölkəsinə qayıtdı və həbs edildi. O, qayıdacağı təqdirdə həbs ediləcəyini yaxşı bilirdi. Saakaşvili bunu bilməsinə rəğmən öz ayağı ilə niyə həbsə girdi?



- Mixail Saakaşvilinin əsas hədəfi bu gün Gürcüstanda keçirilən bələdiyyə seçkiləridir. Seçki yerli idarəetmə orqanları uğrunda olsa da, nəticələr növbəti proseslərə ciddi şəkildə təsir edə bilər. Ötən il keçirilən parlament seçkilərini hakim "Gürcü arzusu” qazansa da, müxalifət nəticəni tanımadı və küçə etirazlarına başladı. Qarşıdurma genişlənən də Avropa İttifaqı Şurasının prezidenti Şarl Mişel prosesə müdaxilə etdi və problemin həlli üçün təklif irəli sürdü. Mişel planı kimi də adlanan təklifə görə "Gürcü arzusu” növbəti bələdiyyə seçkilərində 42 faiz səs toplamasa, növbədənkənar parlament seçkilərini keçirmək öhdəliyini götürür.

Hakim partiya "Mişel planı”nı imzaladı, lakin sonrakı dövrdə ictimai rəy sorğularından çıxan nəticə 42 faizlik baryeri aşa bilməyəcəklərini göstərdi və "Gürcü arzusu” müxalifətin öz öhdəliyini yerinə yetirmədiyini əsas gətirərək, plandan imtina etdi. Bu, seçkilərlə bağlı vəziyyəti daha da gərginləşdirdi. "Gürcü arzusu” bələdiyyə seçkilərindən hansı nəticənin çıxmasından asılı olmayaraq, növbədənkənar parlament seçkilərini keçirməyəcək, lakin gürcü müxalifəti üçün bələdiyyə seçkiləri həlledici xarakter daşıyır. Hakimiyyət üçün də nəticə etibarilə eyni dərəcədə əhəmiyyətlidir.

- "Gürcü arzusu” "Mişel planı”ndan imtina etsə nə baş verəcək?

- Əvvəla onu deyim ki, Müxalifət bələdiyyə seçkilərində iki hədəfə oynayır: Birincisi, ölkədə növbəti parlament seçkilərinin vaxtı 2024-cü ildir. bu seçkiyə qədər yerli idarəetmə orqanlarında daha çox yer tutmaq. İkincisi, "Gürcü arzusu”nun 42 faiz səs toplamasının qarşısını almaq. Müxalifət ümid edir ki, nəticə istədikləri kimi olsa, yenidən etirazlara başlamaqla "Mişel planı”nı işə sala bilərlər.

"Gürcü arzusu” "Mişel planı”ndan imtina etsə də, 42 faiz nəticə toplamaqla, məsələnin bir daha gündəmə gəlməsini istəmir. Ümumilikdə situasiya hər iki tərəf üçün kifayət qədər mürəkkəbdir və bu, seçkilərin "son döyüş” gərginliyində baş tutacağı gözləntisini artırır.

- Dediklərinizdən bu nəticəyə gəlmək olar ki, Saakaşvilinin həbs ediləcəyini bildiyi halda geri qayıtması hakimiyyəti çətin vəziyyətə salmağa hesablanıb...

- Bəli. Çünki onun həbsi Gürcüstan hakimiyyətinə qarşı Qərbin narazılığını artıracaq. Nəticənin necə olmasından asılı olmayaraq, həm də müxalifətin küçə mübarizəsinə əsas yaranacaq.  Proseslərin bu yöndə inkişafı, xüsusilə Qərbin həbsə reaksiyası "Mişel planı”nı yenidən aktuallaşdıra və "Gürcü arzusu” növbədənkənar parlament seçkilərini keçirməyə məcbur qala bilər. Hadisələr Tiflisin "qaynar qazana” çevriləcəyi yönündə inkişaf edir. Hərçənd, "Saakaşvilinin dönüşü təkcə seçkilərlə bağlıdırmı” sualı da açıq olaraq qalır.
 
- Asif bəy, Saakaşvilinin öz ayağı ilə həbsxanaya getməsi məsələnin həm də geosiyasi tərəfinin olduğu ehtimalını yaradır. Hər halda onu barmaqlıqlar arasından çıxaracaq güc olmasaydı, o öz ayağı ilə həbsxanaya gəlməzdi. Sizcə, Sakaşvilinin arxasındakı güc hansıdır?

- Qaribaşvili-Ərdoğan, Qaribaşvili-Əliyev görüşü fonunda Sakaşvilinin 8 illik fasilədən sonra geri qayıdışı "rəsmi Tiflis ABŞ-ın qəbul etmədiyi "altılıq platforması” ilə bağlı danışıqlar aparır?” sualını da aktuallaşır. Gürcüstan ABŞ-ın altılıq platformasına qarşı bölgədə yeganə tramplin yarada biləcəyi ölkədir. Eyni zamanda, Rusiya ilə münaqişə də Tiflisi bu prosesdən uzaq dayanmağa vadar edir. Amma gələcəkdə Türkiyə-Rusiya ikilisi Gürcüstanla bağlı münaqişəni həll edə bilər.
 
Qaribaşvilinin aktivliyi Gürcüstanı bölgədə Rusiya vasitəçiliyinə alternativ kimi təqdim etmək olsa da, bu həm də Vaşinqtonun planıdır, istisna deyil ki, platforma ilə bağlı müzakirələr də olub. Qeyd etdiyim kimi, Saakaşvili təsadüfən gəlməyib. Bu sonrakı prosesin tərkib hissəsidir.
 
Söhbətləşdi: Turan Rzayev
 
Sehliyali
Turan Bank

OXŞAR XƏBƏRLƏR

“Soçi görüşünə ümid daha böyükdür, Brüsseldə isə...” - MÜSAHİBƏ

Milli Məclisin deputatı Elman Nəsirovun Sfera.az-a müsahibəsi: - Elman müəllim, noyabrın 26-da Soçidə Rusiya, Azərbaycan və Ermənistan liderləri ...

“YAP üzvlüklə bağlı mənə müraciət etməyib, elə mən də...” – Deputat Arzu Nağıyevlə MÜSAHİBƏ

Azərbaycan Yazıçılar Birliyinin üzvü, "Trend” İnformasiya Agentliyinin baş direktorunun keçmiş müavini, təhlükəsizlik orqanlarının ehtiyatda olan zabiti, depu...

“Sülhməramlılar Şuşa ətrafındakı texnikaya görə izahat verməlidir” – Tofiq Zülfüqarovla MÜSAHİBƏ

Keçmiş xarici işlər naziri, politoloq Tofiq Zülfüqarovun Sfera.az-a müsahibəsi: - Tofiq müəllim, Ermənistanın Baş naziri Nikol Paşinyan parlamentin ötə...

Azərbaycanda 12-15 yaşlı nə qədər yeniyetmə peyvənd olunub? – RƏSMİ

Azərbaycanda peyvənd olunan yeniyetmələrin sayı açıqlanıb. Sfera.az xəbər verir ki, Səhiyyə Nazirliyindən verilən məlumata görə bu gün də daxil olmaqla 36...

“Qarşılıqlı güzəştlər olmalıdır” – Keçmiş XİN rəhbəri Ermənistanın hava məkanımızdan istifadəsi haqda

Xəbər verdiyimiz kimi, ötən gündən "Azərbaycan Hava Yolları” QSC (AZAL) Bakı-Naxçıvan reyslərinin yerinə yetirilməsi üçün Ermənistanın hava məkanından istifad...

“İran əlində zəif kartlar olsa da, “xox” gələn qumarbaza bənzəyir” - MÜSAHİBƏ

Politoloq Qabil Hüseynlinin Sfera.az-a müsahibəsi. - Qabil bəy, İran-Azərbaycan münasibətlərində yaşanan soyuqluq artıq gərginlik sferasına keçir. Döv...