Rusiya XİN Kabilin taliblərlə danışıqlarda tutduğu mövqeyi “ikiüzlülük” adlandırdı
15:23 / 14.07.2021
405
Rusiya Prezidentliyinin Əfqanıstan məsələləri
üzrə xüsusi nümayəndəsi Zamir Kabulov Əfqanıstan hakimiyyətinin taliblərlə
danışıqlara dair mövqeyini
ikiüzlülük adlandırıb.
Sfera.az-ın məlumatına görə, Rusiya
Prezidentliyinin Əfqanıstan məsələləri üzrə xüsusi nümayəndəsi, Xarici İşlər
Nazirliyinin İkinci Asiya Departamentinin direktoru Zamir Kabulov RİA "Novosti”
yə müsahibəsində bildirib.
Kabulov Kabilin mövqeyini belə ifadə edib:
"taliblər qəbul etsə, hakimiyyət danışıqlara hazırdır”. Nazirlik nümayəndəsi
vurğulayıb ki, danışıqlar belə aparılmır.
"Bu, ikiüzlülükdür. Bu, mövcud həqiqətlərə
göz yummaq cəhdidir, odur ki, bunlar boş sözlərdir. Bizimsə konkret addımlara
ehtiyacımız var",- dedi Kabulov əlavə
edib.
Onun sözlərinə görə, Əfqanıstanda əsl sülh
prosesi, hakimiyyətlə respublikanın müxtəlif etnopolitik qüvvələrini təmsil edən
nüfuzlu siyasətçilər öz aralarında razılaşaraq danışıqlar masasına oturacağı təqdirdə
başlayacaq.
"Biz də elə buna nail olmağa çalışırıq”,- deyə
Rusiya XİN-də qeyd ediblər.
Kabulov, həmçinin əlavə edib ki, hakimiyyət
taliblərlə dövlətin gələcək quruluşu ilə bağlı mənalı dialoqa başlayacağı təqdirdə,
Əfqanıstanın paytaxt uğrunda döyüş olmayacaq.
Kabulovun sözlərinə görə, Rusiyanın gələcək danışıqlarla
bağlı təklifləri var, amma "bu, incə bir məsələdir." Əfqanlar əcnəbilər
tərəfindən irəli sürülən istənilən fikri məcburiyyət kimi qəbul edəcəklər.
"Heç bir xalq bunu xoşlamır. Amma onlar əsas
prinsipial məqamlardan halidirlər, bizim işimizsə hər iki döyüşən tərəfi danışıqlar masasına oturtmaqdır",- deyə
Kabulov qeyd edib.
O, vurğulayıb ki, dialoq yalnız "genişləndirilmiş
üçlüy" ün (Rusiya, ABŞ, Çin, Pakistan) vasitəçiliyi ilə deyil, həmçinin
Əfqanıstan hakimiyyəti ilə "Taliban”ın köməyi ilə aparılmalıdır.
"Biz əlverişli şərait yaradaraq əfqanların özlərini
danışıqlar masası arxasəna oturtmalı və danışıqlar prosesinin gedişatını kənardan
izləməliyik. Əgər konstruktiv çığırdan çıxdıqlarını görsək, onlara:” xeyr,
xahiş edirik, qayıdın və aranızda razılaşın”,- deməliyik.
Bu danışıqların harada aparılacağı vacib
deyil. Bircə on u bilirik ki, hər iki tərəf Əfqanıstandakı sülh razılaşmasını təntənəli
surətdə Kabulda imzalamalıdır”, - deyə
rusiyalı diplomat əlavə edib.
Sfera.az