No Image

"Rus məktəbləri nə təhsil, nə də siyasi məqsədlərə cavab vermir” - Fərid Şəfiyev

 "Son zamanlar Azərbaycanda rus məktəblərinin fəaliyyəti ilə bağlı müzakirələr yenidən gündəmə gəlib. Əslində təhsil sahəsinə aid olan məsələ mövcud şəraitdə siyasiləşdirilir. Zənnimcə, bu iki məsələ ayrılmalıdır”.

Sfera.az xəbər verir ki, bu sözləri BMTM İdarə Heyətinin sədri Fərid Şəfiyev deyib.

Onun sözlərinə görə, uzun illər post-sovet məkanında rus dilinin vəziyyətinin və rusdilli məktəblər məsələsinin siyasi mövzu olması təbii haldır: "Bu, bir tərəfdən Rusiyanın geosiyasi mövqeyi, digər tərəfdən müstəqil dövlətlərin daxili siyasətindəki bəzi proseslərlə bağlı olub. Müsbət haldır ki, Azərbaycanda etnik rus mənşəli əhaliyə qarşı heç bir ayrı-seçkilik yoxdur və onlar Azərbaycan Respublikası Konstitusiyasının Azərbaycanın digər vətəndaşları üçün tanıdığı hüquqlardan tam şəkildə yararlana bilirlər”.

Fərid Şəfiyev qeyd edib ki, Azərbaycan dövlət büdcəsindən bu məktəblərin fəaliyyəti tam maliyyələşdirilir, bununla belə, bu məsələdən siyasi divident qazanmaq istəyi uğursuzdur: "Ermənistanda rus məktəblərinin sayının əhaliyə nisbətən az olmasına və ümumiyyətlə, son vaxtlar ölkənin daxili siyasətində hökm sürən anti-rus meyllərinə baxmayaraq Tovuz hadisələrinin gedişatı göstərdi ki, Rusiya dövləti öz ənənəvi müttəfiqini dəstəkləməkdə davam edir.
Bu baxımdan Azərbaycanda rus məktəblərinin fəaliyyətinə təhsil və iqtisadi inkişaf kontekstində baxmağın lazım olduğunu düşünən Fərid Şəfiyev, ölkənin müstəqilliyinin möhkəmlənməsi, eyni zamanda rəsmi Azərbaycan dilinin güclənməsini və hər bir vətəndaşı tərəfindən sərbəst istifadə edilməsinin vacibliyinə inanır: "Bununla yanaşı, müasir iqtisadi inkişaf xarici dillərin və ilk növbədə ingilisi dilinin mənimsənilməsi də labübdür”.

Həmsöhbətimizin fikrincə, Azərbaycandakı rus məktəblərinin şagirdləri təhsillərini başa vurduqdan sonra rəsmi Azərbaycan dilini mükəmməl səviyyədə bilmir, həmçinin onların rus dilində biliklərinin səviyyəsi də bir çox hallarda qənaətbəxş olmur: "Beləliklə, hazırkı durumda fəaliyyət göstərən rus məktəbləri nə təhsil, nə də siyasi məqsədlərə cavab vermir. Eyni zamanda ənənəvi olaraq bu məktəblərdə müəyyən akademik baza mövcuddur. Azərbaycanda fəaliyyət göstərən rus dilli məktəblər beynəlxalq təcrübəyə əsasən ikidilli (immersion) sistemə keçə bilər. Bir sıra dövlətlərdə və regionlarda, məsələn, Kanadada və ABŞ-ın ispandilli əhalisinin yaşadığı ştatlarında bu sistem tətbiq olunur. Bu sistemə əsasən məktəblərdə akademik fənlərin tədrisi iki dildə paralel aparılır. Məsələn, bizim təcrübədə kimya Azərbaycan, fizika rus və ya tarix Azərbaycan, ədəbiyyat rus dilində tədris oluna bilər (Bu çərçivədə müxtəlif variantlar təklif oluna bilər). Beləliklə, təhsilini başa vuran şagird ilk növbədə rəsmi Azərbaycan dilini, daha sonra xarici dili, indiki halda rus dilini əsaslı şəkildə mənimsəyər. Bu təcrübə eyni zamanda gələcəkdə digər dillərlə, məsələn, ingilis dili ilə bağlı da tətbiq oluna bilər.

Nəticə etibarilə, rus dilli məktəb məsələsi siyasi gündəmdən çıxmalı və sırf Azərbaycanın elmi-tədris müstəvisində inkişaf etdirilməlidir”.

OXŞAR XƏBƏRLƏR

“Biz bu şərtləri rədd edirik” – İlham Əliyev öz şərtini irəli sürdü

"Ermənistan işğalçılıq siyasətinə son qoymalıdır”. Sfera.az xəbər verir ki, bunu prezident İlham Əliyev deyib. O, bildirib ki, bunun əvəzinə Ermənistanın baş n...

Bir maşın erməni əsgəri belə məhv edildi - Video

Qoşunlarımızın zərbələrinə məruz qalan Ermənistanın 1-ci ümumqoşun ordusunun 10-cu dağatıcı diviziyasının Tonaşendə yerləşən 7-ci dağatıcı alayının 2-ci taboru ...

Ermənistan mağazalarında Azərbaycan Himni – Hakerlərimiz iş başında + VİDEO

Azərbaycanlı hakerlər artıq neçə gündür ki, Ermənistanın internet məkanını qorxu altında saxlayır. Xatırladaq ki, könüllülərdən ibarət hakerlərimiz Erm...

Baş redaktordan İran hökumətinə və güneyli soydaşlarımıza çağırış: “İmkan verməyin…”

İran İslam Respublikası üzərindən erməni tərəfinə silah-sursat daşınması haqda informasiyalar intensivləşib. Xatırladım ki, İranın rəsmi dairələri bu tip xəbər...

İnternet yoxdur, dərslər necə keçirilsin? – Təhsil Nazirliyinin bununla bağlı planı olmalı idi

Cəbhə xəttində baş verən son hadisələr səbəbi ilə ölkə üzrə internet imkanları məhdudlaşdırılıb. Maraqlıdır, internetin zəifləməsi distant təhsilə nə kim...

Hansı danışıqlardan söhbət gedə bilər? – İLHAM ƏLİYEV

Sorosun Ermənistanda təşkil etdiyi çevrilişdən sonra erməni tərəfi Dağlıq Qarabağ münaqişəsinin həll olunmasına dair danışıqlara zərbə vurdu. Sfera.az xəb...