Quterreşdən İran hakimiyyətinə çağırış
Kateqoriya məlum deyil
Birləşmiş Millətlər Təşkilatının (BMT) Baş katibi Antonio Quterreş İran hakimiyyətini maksimum təmkinlilik göstərməyə və zərurətdən artıq güc tətbiqindən çəkinməyə çağırıb.
Sfera.az xəbər verir ki, bunu BMT Baş katibinin sözçüsü Stefan Düjarrik açıqlayıb.
Onun sözlərinə görə, BMT İranda baş verənləri yaxından izləyir və itkilərdən ciddi narahatdır.
"Ölkədə informasiya əldə etmə imkanlarının təmin olunması, o cümlədən rabitə bağlantılarının bərpası vacibdir", - sözçü bildirib.
Düjarrik vurğulayıb ki, təşkilat İran vətəndaşlarının hüquqlarının qorunmasına yönəlmiş addımların atılmasını tələb edir./ publika
