Əməkdar artist “şam ağacı” libasında əsgərlərə konsert verdi - VİDEO

Əməkdar artist Elza Seyidcahan sosial şəbəkələrdə yayılmış görüntüləri ilə gündəmə gəlib.

Sfera.az oxu.az-a istinadla xəbər verir ki, küknar ağacından "geyindiyi” libasla əsgərlərin qarşısına çıxan sənətçi geyimi ilə görənləri təəccübləndirib.

Libasın üzərində yanan işıqlar və müxtəlif oyuncaqlar yolkanı xatırladıb. 

Yeni il ab-havalı libasda Elza Ağcabədi rayonun "N” saylı hərbi hissəsində konsert proqramı ilə çıxış edib. 

Hər zaman qeyri-adi, ekstravaqant geyimləri və səhnə obrazları ilə diqqətləri üzərinə cəmləyən Elza Seyidcahan bu geyimi ilə də ənənəsinə sadiq qalıb.