“Meta”nın yüksək gözləntilərlə başlayan metaverse investisiyaları şirkətin strategiyasında köklü bir dəyişikliyə səbəb olub. Belə ki, uzun müddətdir müzakirə olunan layihələrin gözlənilən nəticələri verməməsindən sonra “Meta” virtual reallığa yönəlmiş bölmələrini əhəmiyyətli dərəcədə azaldıb.

Sfera.az bildirir ki, “Meta”nın metaverse investisiyaları, şirkətin aşağı performans göstərmələri səbəbindən ciddi maliyyə yükü ilə üzləşməsinə səbəb olub.

ABŞ-da yerləşən texnologiya şirkəti, virtual reallıq və metaverseyə yönəlmiş bölmələrində çalışan təxminən 1500 işçisini işdən çıxarmaq qərarına gəlib.

“Metanın 2020-ci ildə qurulan metaverse bölməsi, şirkətə yarandığı gündən bəri ən azı 77 milyard dollar zərərə başa gəlib. Bu itki “Meta”nı bu sahədəki strategiyasını yenidən nəzərdən keçirməyə vadar edib.

Mark Zuckerberq metaverse vizyonunu ilk dəfə açıqlayanda istifadəçilərin fiziki məkanlara bağlı olmadan işləyə, ünsiyyət qura və əyləncə tədbirlərində iştirak edə biləcəklərini bildirmişdi.

Lakin, gözlənilən istifadəçi marağı və kommersiya gəliri aralıq dövrdə əldə edilməyib.

Şirkət sözçüsünün açıqlamasında işdən çıxarılmaların investisiya prioritetlərindəki dəyişikliklə əlaqəli olduğu bildirilir. Bəyanatda metaverse layihələrinə ayrılan bəzi resursların geyilə bilən texnologiyalara yönləndirildiyi və bu qərarın bu strateji transformasiyanın bir hissəsi olduğu qeyd edilib.

Lakin sənaye analitikləri “Meta”nın metaverse təşəbbüsünə son qoymaq qərarını "düzgün, lakin gecikmiş" hesab edirlər. Bir vaxtlar texnologiya dünyasında böyük gözləntilər yaradan metaverse konsepsiyası indi irimiqyaslı şirkətlər üçün davamlı investisiya sahəsi olmaqdan uzaq görünür.

Aynil

1500 işçini ixtisara saldı