Dünya ticarətinin yalnız avtomobillər və neftlə bağlı olduğunu düşünürsünüzsə, yanılırsınız. Bəzi ölkələr o qədər maraqlı məhsullar satırlar ki, "Bunu kim və niyə alacaq?" deyə düşünərkən, onlar artıq xəzinələrini doldurublar. İslandiyanın soyuq havasından Keniyanın təzə güllərinə qədər siyahıdakı hər bir məhsul adama “Ola bilməz” dedirdir.

Sfera.az bu yazıda sizə dünyanın ən maraqlı ixrac məhsulları, bəzi ölkələrin təəccüblü gəlir mənbələrini təqdim edir.

Keniya

Keniya haqqında düşünəndə ağlınıza ilk safarilər gələ bilər, amma ölkə əslində bir çiçək imperiyasıdır. Avropada sevdiyiniz insan üçün aldığınız təzə güllərin böyük bir hissəsi hər səhər Nayrobidən yola düşən nəhəng yük təyyarələri ilə gəlir.

İrlandiya

Yaşıl vadilər, pivə və musiqi... Amma İrlandiyanın əsl diqqət çəkən tərəfi dərman məhsullarıdır. Dünyanın insulinin və bir çox vacib hormonların böyük bir hissəsi bu kiçik adada istehsal olunur və qlobal miqyasda paylanır. 2025-ci ilin iyul ayı məlumatlarına görə, onlar cəmi bir ay ərzində 7 milyard avro dəyərində dərman satıblar.

Türkiyə

Tekstillərə də barmaqarası baxmayın. Türkiyə rəqiblərini qlobal xalça ixracında təxminən 2 milyard dollarla toz içində qoyur. Təkcə ənənəvi xalçalarda deyil, həm də müasir maşın istehsalı xalçalarda dünya lideridir. Başqa sözlə, dünyanın yarısı türk xalçalarında gəzir.

Vyetnam

Bir vaxtlar düyü və qəhvə ilə tanınan Vyetnam indi noutbuk, server və router istehsalında qlobal nəhənglərə meydan oxuyur. 2025-ci ilə qədər texnologiya ixracında 16% partlayış olacağı proqnozlaşdırılan bu ölkə "Mən də buradayam!" deyir.

Tayland

Tayland təkcə turizmlə deyil, həm də mətbəxinizdə konservləşdirilmiş tuna ilə tanınır. Dünyanın ən böyük konservləşdirilmiş balıq ixracatçılarından biri olmaqla yanaşı, onlar dondurulmuş krevetka ilə də dünya liderliyi uğrunda mübarizə aparırlar.

İsveçrə

İsveçrə dedikdə saatlar və şokolad ağlınıza gəlir, lakin ixrac rəqəmlərinə baxanda əsl nəhəngin "qızıl" olduğunu görürsünüz. Dünya qızılının böyük bir hissəsi İsveçrə emalı zavodlarında emal olunur və yenidən ixrac olunur.

Madaqaskar

Yediyiniz vanilli dondurmaların dadı çox güman ki, Madaqaskardan gəlir. Bu ada ölkəsi dünya vanilinin 80%-ni təmin edir. Vanilin qiymətləri bəzən gümüşlə rəqabət aparır, qalanını təsəvvür edin.

Cənubi Afrika

Şarlarda istifadə etdiyimiz helium əslində texnologiya üçün çox vacibdir. Son illərdə kəşf etdiyi nəhəng helium ehtiyatları ilə Cənubi Afrika bu sahədə dünyanın ən böyük təchizatçılarından birinə çevrilmək istiqamətində sürətlə irəliləyir.

Belçika

Belçika almaz istehsal etmir, lakin dünyanın almaz ticarətinin ürəyi Antverpen şəhərində döyünür. Dünyadakı xam almazların 80%-i dünyaya satılmazdan əvvəl əvvəlcə Belçikadan keçir.

Əfqanıstan

Müharibə və xaos xəbərlərindən başqa, Əfqanıstan dünyanın ən yüksək keyfiyyətli zəfəran istehsalçılarından biridir. Qramı qızılla rəqabət aparan bu ədviyyat ölkənin ən nüfuzlu və yüksək gəlirli ixrac məhsuluna çevrilib.

Paraqvay

Paraqvayın ən böyük ixrac məhsulu nə kənd təsərrüfatı, nə də sənayedir; bu, elektrik enerjisidir. Nəhəng bəndləri sayəsində istehsal etdiyi elektrik enerjisinin böyük hissəsini Braziliya və Argentinaya sataraq ölkəni ayaqda saxlayır.

Aynil

Sfera.az

Dünyanın ən maraqlı ixrac məhsulları: Ölkələrin təəccüblü gəlir mənbələr