\"Sumqayıt\" iki futbolçunu transfer etdi - FOTOLAR
2019/2020 mövsümü üçün transfer çalışmalarını davam etdirən "Sumqayıt” FK heyətinə 2 futbolçu cəlb edib.
Sfera.az klubun saytına istinadən xəbər verir ki, son mövsümü müvafiq olaraq "BATE Borisov” və "Torpedo Moskva”nın heyətində keçirmiş futbolçular – Cəmaləddin Xocaniyazov və Rəhim Sadıxovla 2 illik müqavilə imzalanıb. Cəmaləddin "Sumqayıt”da 5, Rəhim isə 90 nömrəli formada çıxış edəcək.
Sankt-Peterburq "Zenit”inin yetirməsi olan Cəmaləddin Xocaniyazov 2012-2016-cı illərdə adıçəkilən komandanın əsas və əvəzedici komandalarında çıxış edib (10 oyun). Son klubu "BATE Borisov” (2 oyun) olan Cəmaləddin Rusiyanın "Ural” (1 oyun), "Baltika” (2 oyun), "Soçi” (8 oyun), "Amkar Perm” (1 oyun) və Danimarkanın "AGF Aarhus” (35 oyun, 1 qol) klublarının şərəfini qoruyub.
