Azərbaycanın sabiq yüksək vəzifəli məmuru Ramiz Mehdiyevin adı ölkə başçısına qarşı planlaşdırılmış dövlət çevrilişi cəhdində hallanır. “Vesti Baku” nəşri anonim mənbələrə istinadən xəbər verir ki, AZAL-ın Qroznı səmasında vurulan təyyarəsi məhz bu planın bir hissəsi kimi nəzərdə tutulubmuş.

Planın başlanğıcı və məqsədi

Mənbənin məlumatına görə, çevriliş ssenarisi 2024-cü ilin dekabrında baş verən hadisələrdən xeyli əvvəl hazırlanıb.

Plan dəqiq siyasi hesablamalara, rol bölgüsünə və xarici koordinasiyaya əsaslanırdı. Əməliyyatın əsas fiquru isə uzun illər dövlət idarəetmə sisteminə təsir göstərmiş Ramiz Mehdiyev idi.

O, həmin dövrdə bəzi aparıcı media orqanlarının redaksiya siyasətinə təsir imkanlarını saxlayır, eyni zamanda parlament daxilində “müvəqqəti hökumət” ideyasını dəstəkləməyə hazır qrup formalaşdırmışdı.

Aviasiya “qəzəsi” – əsas siqnal

Planın əsas mərhələsi “siqnal” rolunu oynayacaq aviasiya qəzası idi.

Ssenariyə əsasən, Prezident İlham Əliyevin təyyarəsi 2024-cü ilin dekabrında “uğursuzluq nəticəsində qəzaya uğramış” kimi göstərilməli idi.

Hadisə guya Ukrayna dronlarının hücumu ilə əlaqələndirilməli, bununla da ölkədə şok, qorxu və xaos yaradılmalı idi. Ardınca isə “fövqəladə idarəetmə” rejiminin tətbiqi planlaşdırılmışdı.

Koordinasiya və texniki icra

İ

ddiaya görə, plan Moskvadakı hərbi dairələrin koordinasiyası ilə həyata keçirilib.

“Vesti Baku” nəşri əsas əlaqələndirici fiqurlardan biri kimi general Nəcməddin Sadıqovun adını⁶ çəkir. O, GPS sisteminin söndürülməsi, saxta siqnalların ötürülməsi və prezident təyyarəsinin naviqasiyasının müvəqqəti korlaşdırılması kimi texniki məsələlərə cavabdeh olub.

Mediada hazırlıq

Mehdiyevin nəzarətində olan media resursları da hadisəyə paralel informasiya hücumu üçün hazırlanmışdı. Onlar öncədən “sirli hücum”, “müvəqqəti təhlükəsizlik şurası”, “idarəetmənin ötürülməsi” kimi başlıqlarla materiallar hazırlamış, hətta “yeni hökumət tərkibi”nin siyahısını da tərtib etmişdilər.

Planın iflası

Lakin əməliyyat səhv nəticəsində uğursuzluğa düçar olub – prezidentin təyyarəsi əvəzinə eyni marşrut üzrə 30 dəqiqə əvvəl qalxan AZAL-ın mülki təyyarəsi vurulub.

Bu səhv planın sonunu gətirib. “Nəzarət olunan böhran” əvəzinə ölkə beynəlxalq miqyasda faciə və qalmaqalla üzləşib.

Mənbələrə görə, Moskva daha sonra hadisəni “texniki səhv” kimi təqdim etməyə və məsuliyyətdən yayınmağa çalışıb.

Putin-Əliyev görüşü

Ən dramatik məqam Düşənbədə keçirilən görüşdə yaşanıb. İddiaya əsasən, Vladimir Putin həmin görüşdə İlham Əliyevə sui-qəsd cəhdinin qarşısının alındığını bildirib və Azərbaycandakı agentin adı da daxil olmaqla bir sıra operativ məlumatlar təqdim edib.

Nəticə və istintaq

Beləliklə, çevriliş cəhdi tam iflasa uğrayıb. Prezident İlham Əliyev siyasi çevikliyi və qərarvermə bacarığı sayəsində təyyarəsinin istiqamətini vaxtında dəyişdirərək təkcə öz həyatını deyil, Azərbaycanı da “idarəolunan fəlakət”dən xilas edib.

Hazırda məsələ ilə bağlı istintaq davam edir, rəsmi ittiham və sübutların prosessual qaydalara uyğun şəkildə açıqlanacağı bildirilir.

Ramiz Mehdiyev İlham Əliyevə qarşı sui-qəsd PLANLAŞDIRIB – SENSASİON İDDİA