“Daşnaksütyun”dan Qarabağla bağlı şok bəyanat: Erməni həyasızlığı heyrətləndirməkdə davam edir
Cəmiyyət
13:11 / 26.01.2019
3294
Tarixi Azərbaycan şəhəri olan, hazırda ermənilərin nəzarət etdiyi Xankəndi şəhərində məşhur terror təşkilatı olan "Daşnakütyun”un keçirdiyi toplantıda Qarabağla bağlı bəyanat qəbul edilib.
Bəyanatda terror təşkilatının və onlara belə bir toplantı keçirməyə şərait yaradan İrəvanın Azərbaycanın ərazi bütövlüyünə hörmət etmək niyyətində olmadığı görünür. "Daşnaksütyun” məlum bəyanatda iddia edir ki, "Arsax Respublikası”nın dövlət statusu və torpaq bütünlüyü bazarlıq mövzusu ola bilməz”. Terror təşkilatı vurğulayıb ki, onlar qondarma "respublika"ya hər cür dəstək verirlər və gələcəkdə də verməkdə davam edəcəklər.
Bəyanatda Ermənistanla Qarabağdakı qondarma rejim arasında hərbi-siyasi müqavilənin imzalanması zəruri hesab edilir. Həmçinin, terror təşkilatı bundan sonra da Ermənistanı qurama "respublika"ya dəstək verməyə, onun mövcudluğunun qarantı rolunda çıxış etməyə səsləyir.
Xatırladaq ki, türk dünyasına qarşı saysız –hesabsız terror əməliyaytları həyata keçirən "Daşnaksütyun” Qarabağ müharibəsi zamanı da mülki insanlara qarşı amansız vəhşiliklərə imza atıb və bu gün də öz çirkin missiyasından, terrorçuluq fəaliyyətindən əl çəkmiş deyil. Moderator