19:T6f5,

Numerologiya üzrə mütəxəssislər bildiriblər ki, doğum tarixində 3, 5 və 8 rəqəmləri üstünlük təşkil edən insanlar üçün qarşıdan gələn yaz ayları dönüş nöqtəsi ola bilər. Hesablamalara görə, 2026-cı ilin yaz dövrü enerjisi şəxsi inkişaf, maddi qərarlar və münasibətlər sahəsində aktivləşmə yaradacaq.

Sfera.az bildirir ki, xüsusilə ayın 3-ü, 5-i, 8-i, 13-ü, 17-si, 23-ü və 26-sı tarixlərində doğulan şəxslər üçün yeni imkanların yaranma ehtimalı daha yüksəkdir.

Bu insanlar uzun müddətdir gözlədikləri iş təklifi, gəlir artımı və ya həyatlarında istiqamət dəyişəcək qərarla üzləşəcəklər.

Numeroloji təhlillərə görə yaz ayları yarımçıq qalan işlərin tamamlanması, yeni əməkdaşlıqlar, köhnə münasibətlərin yenilənməsi ilə yadda qalacaq.

Mütəxəssislər bildirib ki, bu dövrdə təsadüf kimi görünən görüşlər əslində gələcək planlara ciddi təsir göstərəcək. Xüsusilə aprel ayının ikinci yarısı maliyyə məsələləri üçün uğurlu hesab olunub.

Eyni zamanda xəbərdarlıq da edilib ki, emosional qərarların çoxluğu səbəbindən tələskən addımlar risk yarada bilər. Buna görə mühüm razılaşmaların imzalanması üçün may ayının əvvəli daha münasib sayılır.

Numeroloqların fikrincə, yaz mövsümü bu tarixlərdə doğulanlar üçün sadəcə aktiv dövr deyil, həm də həyat istiqamətinin dəyişə biləcəyi mərhələ olacaq.

Bəsti Rəfizadə
Sfera.az

Bu tarixdə doğulanlara yazda sürprizlər olacaq