Sfera.az xəbər verir ki, adının hallanmasını istəməyən mənbənin İngiltərə mətbuatına verdiyi məlumata görə, Putinə düşmənləri üzərində böyük üstünlük qazandıracaq yeni supersonik raketlər 2020-ci ildə istifadəyə veriləcək.

 

Stokholm Beynəlxalq Sülh Araşdırmaları İnstitutunun hesabatına görə, Rusiya 2006-cı ildən bəri hərbi xərclərini iki dəfə artırıb. Artan büdcə isə Rusiyaya yeni silahlar istehsal etmək imkanı verib. 

"Satana 2” -  ABŞ-ın Xirosima və Naqasaki şəhərlərinə atdığı atom bombasından 2000 dəfə güclüdür. 40 meqaton ağırlığında döyüş başlığı daşıyan "Satana 2” Fransa böyüklüyündə ölkəni xəritədən silə biləcək gücə malikdir. 

Rusiyanın T-14 Armata "super tank”ı NATO standartlarına çatıb. 3 nəfərlik ekipaja malik tank tam avtomatik xüsusiyyətə malikdir. Tankın avtomatlaşdırması sayəsində ekipaj sayı azaldılıb. Misal üçün, ABŞ-ın M1 Abrams tankı bu səbəbdən 4 nəfərlik ekipajdan istifadə etməyə məcburdur. 154 mm-lik topa malik tank NATO inventarındakı silahlara qarşı böyük təhdid təşkil edir. Tank malik olduğu anti-tank xüsusiyyətinə görə, Qərb ekspertləri tərəfindən ən yaxşı mühafizə olunan modellərdən biri kimi qiymətləndirilir. 

Sukhoi PAK FA (T-50) – Rusiya Hava Qüvvələrinin modern simasının nümayəndəsi. Təyyarə 9G-yə qədər manevr etmə qabiliyyətinə malikdir. Birdən çox LCD ekrana nəzarət edən pilot məlumatların kaskasının ekranında da görə bilir. Təyyarənin motoru T-50-nin Mach 2.0 sürətinə qədər uçmasına imkan yaradır.

 

Rusiya "soyuq müharibə” dövründən qalma istilik-nüvə raketlərini də yeniləyir. RS-24 Yars raketi 2015-ci ildə Qırmızı Meydanda nümayiş etdirilmişdi.

NATO-nun marağına səbəb olan digər rus silahı isə yeni nəsil sualtı qayıqlardır. "Borei” sinfinə məxsus 3 sualtı qayığı olan Rusiya 2020-ci ilə qədər bu rəqəmi 8-ə çıxarmağı planlaşdırır.

Mil Mi-28N hücum vertolyotu 2006-cı ildə istifadəyə daxil olub. Bu modelin 5-ci nəslinin bu il ərzində sınaqdan keçirilməsi gözlənilir.

"Supermen zirehi” adı ilə tanınan zireh əsgərləri yanğın və partlayışlardan qoruyur. Kostyumu geyən şəxs 30 saniyə ərzində xəsarət almadan yanğının içində qala bilər. Zirehli kostyumun 2020-ci ildə istifadəyə verilməsi gözlənilir.

 

Rusiya kosmosdakı təsir dairəsini artırmaq üçün bu sahədə nüvə enerjisindən istifadə fəaliyyətini artırıb. "İzvestiya” qəzetinin iddiasına görə, orbitdə yerləşdirilmiş nüvə reaktoruna malik bu cihaz lazer işıqları ilə ətrafındakı rus peyklərinə enerji ötürəcək. Cihazın 100 ilə 1000 kilovat arası enerji istehsal edə biləcək nüvə reaktoruna malik olması gözlənilir.

PUA-lar üzərində çalışan Rusiya silah sənayesi, insansız döyüş maşınlarını sınaqdan keçirməyə davam edir. Ukran-9 və "Vixr” adlı iki piyada döyüş maşını atəş qüvvəsini artırmağa hesablanıb.

Rusiya yüzlərlə ədəd dronun harmonik şəkildə fəaliyyət göstərməsi üçün tədqiqatlar aparır. "Nehreta” adlı yeni modelin sınaqlarında nəticə əldə olunub. Kamikadze kimi istifadə ediləcək bu model gözləntilərə cavab verib.

Rusiya keçən il "super bombardmançı” kimi tanınan yeni nəsil bombardmançı təyyarəsi Tu-160M2-i təqdim etmişdi. Təyyarənin 2021-ci ildən etibarən kütləvi istehsal olunacağı gözlənilir.

 

Rusiya baş naziri müavini Dmitri Roqozinin təqdim etdiyi robot əsgər FEDOR-un paylaşılan görüntülərində robotun qoşa silahla hədəfləri dəqiqliklə vurduğu görünür.

Rusiya yeni nəsil raket müdafiə sistemini Qazaxıstan Sarı-Şaqan bölgəsində sınaqdan keçirmişdi. Sınaqları müvəffəqiyyətlə keçən raket əleyhinə sistemin radiusu 100 km-dir.