Sfera.az xəbər verir ki, Ərdoğan Böyük Britaniya kraliçası haqda "Kraliçanın hafizəsi dəhşətdir”, deyib. Jurnalistlərin "Twitter”də Netanyahu ilə söz dueli ilə bağlı suallarına da cavab verən Türkiyə prezidenti  "Netanyahunun tvitinə cavabım onun sinirlərinə toxunub”, deyib.

Xatırladaq ki, İsrail baş naziri "Twitter” hesabında "Ərdoğan "Həmas”ın ən böyük himayədarlarından biridir, ona görə də şübhəsiz ki,  terror və qətliamdan çox yaxşı başı çıxır. Ona məsləhətim, bizə əxlaq dərsi verməsin”, yazmışdı. Ərdoğan isə "Netanyahu 60 ildən çoxdur BMT qətnamələrini pozaraq müdafiəsiz insanların torpaqlarını işğal edən bir aparteid dövlətinin başçısıdır. Netanyahunun əllərində fələstinlilərin qanı var, günahlarını Türkiyəyə hücum edərək gizlədə bilməz. İnsanlıq dərsi istəyirsən? 10 əmri oxu”, cavabını vermişdi.

Netanyahu bu dəfə ibrani dilində "Şimali Kiprin işğalını davam etdirmək üçün minlərlə əsgər göndərən və Suriyanı işğal edən zat özümüzü "Həmas”ın fəaliyyətindən qorumağımızla bağlı bizə dərs verə bilməz. Əlində Türkiyədəki, Suriyadakı saysız-hesabsız kürd qurbanların qanları olan zat bizə hərbi etika ilə nitq deyəcək son şəxsdir”, deyə yazmışdı. Bu tiviti də cavabsız qoymayan Ərdoğan "Netanyahuya xatırlatma” başlıqlı mesajında ""Həmas” terror təşkilatı deyil, fələstinlilər də terrorçu deyil. Fələstini işğalçı gücə qarşı müdafiə edən müqavimət hərəkatıdır. Dünya onlara zülm edənlərə qarşı fələstinlilərlə həmrəydir”, sözlərini yazıb.