UNİCEF: Qəzza zolağında mindən çox uşaq yaralanıb
Dünya
17:53 / 16.05.2018
2001
BMT-nin Uşaq Fondu UNİCEF Qəzza zolağında 30 mart tarixindən etibarən davam edən "Böyük qayıdış yürüşü”ndə iştirak edən mindən çox fələstinli uşağın ciddi və xəsarətlərin izi qalacaq şəkildə yaralandığını bildirib.
Sfera.az xəbər verir ki, UNİCEF yaydığı hesabatda 70 min adamın tibbi ehtiyacını ödəmək üçün regiona iki yük maşını dolu tibbi ləvazimat göndərdiyini bildirib. Göndərilən tibbi ləvazimatlara antibiotik və şprislər daxildir.
Son dövrlər regionda artan İsrail zorakılığı üzündən yanacaq, elektrik və tibbi vasitələrin qıtlığı üzündən onsuz da zəif olan səhiyyə sistemi çökmə həddinə gəlib. Yaralanan uşaqlar arasında hətta orqanları amputasiya olanlar da var.
İsrailin uşaqları hədəf seçməsinə etiraz edən hesabatda uşaqların hədəfə alınmaması və qorunmasının vacibliyi qeyd olunub.
Sfera.az