ABŞ sakini Anjela Harris klinik ölüm zamanı qeyri-adi təcrübə yaşadığını və bu anlarda insanlığın mümkün gələcəyinə dair görüntülər gördüyünü iddia edir.

Sfera.az xəbər verir ki, qadının sözlərinə görə, hadisə 2015-ci ildə baş verib. O, huşunu itirmə səbəblərini müəyyən etmək üçün tətbiq olunan tilt-test (əyilmə testi) prosedurundan keçərkən qəfil vəziyyəti pisləşib.

Harris bildirir ki, test zamanı qıcolmalar başlayıb və ürəyi təxminən 30 saniyəlik dayanıb. O, həmin an özünü bədənindən ayrılmış kimi hiss etdiyini deyir.

Gördüyü görüntülər

Anjela Harrisin sözlərinə görə, bu vəziyyətdə o, fərqli bir məkana düşdüyünü hiss edib. O, burada vəfat etmiş qohumlarını gördüyünü, həmçinin yad həyat formaları kimi təsvir etdiyi varlıqlarla qarşılaşdığını iddia edir. Qadın əlavə edib ki, özünü insan formasından fərqli müxtəlif görünüşlərdə də görüb.

Gələcəklə bağlı iddialar

Onun sözlərinə görə, gördüyü görüntülərdə Yer kürəsinin gələcəyi də əks olunub. Harris iddia edir ki, gələcəkdə qlobal sistemlər dağılacaq, böyük münaqişələr baş verəcək və nəticədə dünya əhalisi kəskin şəkildə azalacaq.

O bildirib ki, insanlar daha sonra kiçik, özünü təmin edən icmalarda yaşayacaq. Texnologiyalar isə tam yox olmayacaq, lakin daha ehtiyatlı və şüurlu şəkildə istifadə olunacaq.

Həyata baxışının dəyişməsi

Harris bu təcrübədən sonra həyat və ölümə münasibətinin dəyişdiyini deyir. Onun fikrincə, insanlar həyat yolunu əvvəlcədən seçir və qarşılaşdıqları çətinliklər də bu təcrübənin bir hissəsidir.

O həmçinin hesab edir ki, bütün insanlar vahid bir mənbə ilə bağlıdır və bir çoxları bu mənbəni tanrı adlandırır.

Qadının sözlərinə görə, yaşadıqlarından sonra o, ölüm qorxusunu itirib və həyatın o tərəfində insanı sakitlik və harmoniya gözlədiyinə inanır./lent.az

32 saniyə ölən qadından dəhşətli XƏBƏRDARLIQ