19:T6c7,

Böyük Britaniyada aparılan araşdırma nəticəsində “Sofia” adı dünyanın ən gözəl səslənən adı müəyyən olunub.

Sfera.az xəbər verir ki, dilçilərin fikrincə, bu ad həm mənası, həm də fonetik ahəngi ilə digər adlardan fərqlənir. Belə ki, “University of Birmingham” alimləri tərəfindən aparılan araşdırmada müxtəlif dillərdə işlədilən adların tələffüzü və insanların onlara verdiyi emosional reaksiyalar analiz edilib. Araşdırmanın nəticələrinə görə, “Sofia” adı yumşaq samitlərin və ahəngdar saitlərin uyğunluğu sayəsində qulağa ən xoş gələn ad kimi ən yüksək balı toplayıb.

Dilçilər bildirirlər ki, adın axıcı və melodik səslənməsi insan beynində müsbət assosiasiyalar yaradır və bu xüsusiyyət onun müxtəlif mədəniyyətlərdə populyarlaşmasına səbəb olur. Hazırda ad müxtəlif ölkələrdə “Sofia”, “Sophie” və “Sofie” kimi variantlarda istifadə olunur. Buna baxmayaraq, adın fonetik cazibəsi və asan tələffüzü demək olar ki, bütün dillərdə qorunub saxlanılır.

Qeyd olunur ki, ad qədim yunan dilindəki “sophía” sözündən yaranıb və “müdriklik” mənasını verir. Tarix boyu bu ad Qədim Yunanıstandan başlayaraq Roma imperiyası dövründə, daha sonra isə Slavyan ölkələri və Qərbi Avropada geniş yayılıb.

Fidan Hacızadə

Sfera.az

Dünyanın ən gözəl adı seçildi