Azərbaycanda hansı sahələrdə ixtisarlar olacaq? – AÇIQLAMA
Gündəm
17:41 / 12.03.2018
3331
Azərbaycanda bir sıra sahələrdə ixtisarların olacağı ehtimalı bu günlərdə əsas müzakirə mövzularındandır.
Bu ehtimal nə dərəcədə realdır?
İqtisadçı-ekpsert Akif Nəsirli Sfera.az-a açıqlamasında bu haqda danışıb. Onun sözlərinə görə öncəki 3 ildə olduğu kimi cari ildə də ixtisarların olması qaçınılmazdır.
Bəs, hansı sahələrdə ixtisarlar ola bilər?
A.Nəsirlinin sözlərinə görə bu gün bir çox sahələrdə ixtisarların olması qaçınılmazdır:
"Azərbaycanda kadr islahatları dedikdə yalnız ixtisarlar nəzərdə tutulur. Hazırda ölkəmizdə qeyri-səmərəli təşkilatçılıq mövcuddur. 2015-ci ildə baş verən iki devalvasiya nəticəsində bəzi iş yerləri bağlanıb ki, nəticədə həmin sahələrdə çalışan insanlar işsiz qalıb. Bu cür ixtisarlar ötən iki ildə də davam edib. Cari ildə də bu cür ixtisarlar davam edəcək. Təəssüflər olsun ki, kadr islahatları səmərəli bəhrəsini vermir”.
A.Nəsirlinin sözlərinə görə ölkədə ciddi kadr islahatlarına ehtiyac var:
"Bu islahatlar yalnız ixtisarlardan ibarət olmalı deyil. Əsas məsələ kadrların professionallığının gücləndirilməsidir. Kadrların daha peşəkarları ilə əvəzlənməsi təcrübəsindən yararlanmaq lazımdır. İnhisarda olan xidmət sahələri var ki, onlar pensiya fonduna bənzəyir, hər ay maaş alsalar da, heç bir faydalı iş görə bilmirlər. Bütün xidmət orqanlarında ciddi kadr islahatına peşəkar mütəxəssislərə ehtiyac var. Düşünürəm ki, xidmət sahələrində kadr islahatları olacaq”.
Nigar Məhərrəm
Sfera.az
