Rövşən Rzayevdən Akif Nağıya CAVAB: "Ermənilərlə dialoq axtarışındayıq"
Gündəm
16:40 / 12.03.2018
2791
Milli Məclisin Hüquq siyasəti və dövlət quruculuğu komitəsinin sədr müavini, Dağlıq Qarabağın Azərbaycanlı İcmasının İdarə Heyətinin üzvü Rövşən Rzayev Qarabağ Azadlıq Təşkilatının (QAT) sədri Akif Nağının onun haqqında səsləndirdiyi ittihamlara cavab verib.
R.Rzayev Sfera.az-a bildirirb ki, Akif Nağı nə danışdığını anlamır:
"Ümumiyyətlə, mən ona cavab vermək istəmirəm. Bu cür adamlara cavab verməyə ehtiyac yoxdur".
Deputat deyib ki, "Ermənistan-Azərbaycan Sülh Platforması” Azərbaycan dövlətinin maraqlarına xidmət edir:
"Bu layihə Azərbaycan dövlətinin maraqlarına uyğun olaraq, müəyyən məsələlərin həlli üçün həyata keçirilir. Bunun xüsusi mənası var. İndi o mənanı kimisi başa düşür, kimisi də düşmür. Allah onlara can sağlığı versin. Biz çalışırıq ki, "Ermənistan-Azərbaycan Sülh Platforması” ilə bağlı işlər yaxşı getsin. Hazırda da bu istiqamətdə fəaliyyət gedir. Yəqin ki, müəyyən yeniliklər olacaq. Biz ermənilərlə dialoq axtarışındayıq".
Xatırladaq ki, Akif Nağı Sfera.az-a açıqlamasında deputat Rövşən Rzayev erməni dairələrinə xidmət etməkdə ittiham edib.
Orxan Bəşirov
Sfera.az
