Ərdoğan İsraili tənqid eti: "Dünya nizamı üçün təhlükədir”

Türkiyə Prezidenti Rəcəb Tayyib Ərdoğan Qətərdə HƏMAS nümayəndələrinə edilən hücuma münasibət bildirib. 

 

Sfera.az xarici KİV-ə istinadən xəbər verir ki, o, hadisəni İsrailin beynəlxalq hüquqa açıq şəkildə meydan oxuması kimi dəyərləndirib.

 

“İsrail regionda talanını davam etdirir. Qəzza, Suriya, Livan, Yəmən və İrana hücumlardan sonra bu dəfə Qətərdə Qəzza sülh danışıqlarına rəhbərlik edən nümayəndə heyətinə hücum edib. Bu xain hücum beynəlxalq sistemə və hüquqa meydan oxumaqdır. İsrailin işğal və terror istəklərinin hansı həddə çatdığını bir daha göstərdi”, – deyə Ərdoğan Qətərdən qayıdarkən jurnalistlərə açıqlamasında bildirib.

 

Dövlət başçısı həmçinin vurğulayıb ki, İsrailin atdığı addımlar artıq təkcə regionu deyil, dünya nizamını da təhlükə altına salır.

 

Fidan Hacızadə
Sfera.az