19:T7f4,

Britaniyanın ən böyük ailəsi kimi tanınan Lankaşirdən olan Radford ailəsi Florida ştatındakı məşhur “Disney World” əyləncə parkında dəbdəbəli tətil keçirdikdən sonra məhkəmə prosesinin mərkəzində olublar. Belə ki, tətil hüquqi nəticələrlə yadda qalıb.

22 uşağı olan Noel və Sue Radford, Suenin 50 illik yubileyini qeyd etmək üçün uşaqları və 11 nəvələri ilə səyahətə çıxıblar. Uçuşlar, yaşayış və park biletləri daxil olmaqla səyahətin ümumi dəyəri təxminən 70.000 dollar təşkil edib.

Sfera.az bildirir ki, ailə səfərdən fotoları, o cümlədən Donald Ördəklə birlikdə tətil sevincini əks etdirən fotoları sosial şəbəkədə paylaşıb.

Cütlük məktəbə davamiyyət qaydalarını pozmaqda təqsirli bilinib: onların dörd övladı 2025-ci il martın 24-dən mayın 1-dək məktəbə getməyib. Ailə hər uşaq üçün 88 dollar cərimə, üstəlik hər uşaq üçün 160 ABŞ dolları məbləğində məhkəmə xərcləri – ümumilikdə 1024 dollar tətil cəriməsi ödəyiblər.

Lancashire County Şurasının sözçüsü izah edib ki, bu cəza tədbirləri uşaqların müntəzəm olaraq məktəbə getməsini təmin etmək məqsədi daşıyır.

Şura vurğulayıb ki, davamiyyət qanunları sadədir: dərsdən yayınmağa yalnız üzrlü səbəblərə görə icazə verilir. Sanksiyalar məhkəmə tərəfindən həll edilir və yerli hakimiyyət orqanları məktəblərin tələbi ilə cərimələr vermək hüququna malikdir.

Hüquqi problemlərə baxmayaraq isə, Radford ailəsi səyahət təcrübələrini bölüşməyə davam edir. Onlar hətta ən ağır cərimənin də möhtəşəm bayramı dayandıra bilmədiyini nümayiş etdirir.

Aynil

4:[[

“Disneylend” də başlayan nağıl kimi tətil yüksək cərimə cəzası ilə bitdi