Dünyanın ən gözəl kəndinin sakinləri bu statusdan narahatdır

Böyük Britaniyanın Qlosterşir qraflığındakı Biburi kəndi “Forbes” jurnalı tərəfindən yer üzünün ən gözəl kəndi kimi tanınsa da, bu qəsəbənin 600 sakini bu addan əksinə, üzgündür.

 

Sfera.az bildirir ki, əsas səbəb Biburini sözün əsl mənasında sel kimi basan turistlərdir. 

 

“Yayın qızğın vaxtında bir həftəsonu mənzərəli kənd 20 000-ə yaxın ziyarətçi qəbul edə bilər ki, bu da normal əhalinin sayından 30 dəfə çoxdur”.

 

Turistlərin kəndə mənfi təsirini azaltmaq üçün 2025-ci ildə bəzi məhdudiyyətlər tətbiq edilib:

 

Mərkəzi meydanda parkinq yerləri nəqliyyat və götürmə məntəqələri ilə əvəz edilib;
Dolama kənd yollarında təzyiqi azaltmaq üçün turistlərə kiçik nəqliyyat vasitələri ilə kəndə getməyə təşviq edilib; 
Kilsə şurasının sədri Craig Chapman, turizmin səviyyəsini "problemli" olaraq xarakterizə edib və bunun yerlilər üçün əsəb pozucu olduğunu bildirib.

 

O izah edib ki, ən önəmli problem kəndə gedən əsas yolun Biburinin yerləşdiyi çayın üzərində yalnız bir körpülü dar yol olmasıdır.

 

O deyir ki, xüsusən də böyük avtobus turlarından yaranan sıxlıq əsas problemdir, hər gün kənddə 50-yə qədər belə avtomobil dayanır.

 

"Dünyanı gəzərək, bizim kəndin dünyanın ən cəlbedici kəndi olduğunu görəndə çox təəccüblənirəm. Bu, böyük imtiyazdır, həm də bir az sürprizdir”- deyə Çapman bildirib.

 

Yerli sakinlər deyirlər ki, Biburi bəzən özünü Vəhşi Qərb kimi hiss edə bilir, maşınlar və avtobuslar minlərlə insanı kiçik kəndə gətirir.

 

Ziyarətçilərin artması qismən də sosial media bloqqerlərinin bu kəndi London kimi böyük şəhərlərdən ideal bir günlük səyahət istiqamətləri kimi təbliğ etməsi ilə bağlıdır.

 

Bununla belə, bəzi turistlər arzuladıqları fotoşəkili çəkmək üçün insanların evlərinə çox yaxınlaşaraq insanları narahat edirlər.

 

Biburi kəndliləri hərəkətə keçməyə çağırdıqdan və işçi qrupu yaratdıqdan sonra Qlosterşir Şurası problemi həll etmək planlarını açıqlayıb.

 

Uzunmüddətli perspektivdə kənddə avtobusların dayanması və parklanması qadağan edilə bilər.

 

Şura həmçinin kənd mərkəzinə avtobusların gediş-gəlişinə əlavə məhdudiyyətlər tətbiq etməyi nəzərdən keçirir, bu məsələ ilə bağlı kənd sakinləri ilə məsləhətləşir.

 

İşçi qrupun uzunmüddətli tövsiyələrinə Biburidə avtobusların dayanması və parklanmasına tam qadağanın nəzərdən keçirilməsi, həmçinin onları dar küçələrdən uzaqlaşdırmaq üçün yol nişanlarının təkmilləşdirilməsi daxildir.

 

Şura həmçinin ziyarətçiləri Biburiyə getməyin başqa yollarından, məsələn, gəzinti, velosiped sürmək, ictimai nəqliyyat və ya mikroavtobuslardan istifadə etməyə təşviq etmək istəyir. 

AYNİL