Uşaqlığında 1 metr 96 santimetr boyuna görə zorakılığa məruz qalan Şarlotta Mill ilk dəfə təcrübələri haqqında danışıb. Boyuna görə həm məktəbdə, həm də gündəlik həyatda müxtəlif zorakılıqlarla qarşılaşdığını deyən Mill, zamanla bu fərqi üstünlüyə çevirməyi bacarıb. Bu gün diqqət çəkən fiziki xüsusiyyətləri sayəsində sosial mediada geniş auditoriyaya malikdir.

Sfera.az bildirir ki, 1,96 sm boyu olan Şarlotta hal-hazırda sosial mediada yayımladığı məzmun sayəsində ayda təxminən 60.000 funt sterlinq qazanır. Şarlotta boyuna görə insanların ondan bəzən qadın tualetindən çıxmağı tələb etdiyini deyir. Buna baxmayaraq, o, diqqət çəkən fiziki xüsusiyyətlərini karyeraya çevirməyi bacarıb.

İngiltərənin Linkoln şəhərindən olan Şarlotta uşaqlıq dövründə boyuna görə tez-tez lağa qoyulduğunu və bunun məktəb həyatını olduqca çətinləşdirdiyini izah edir.

O deyir ki, zorakılığa görə özünü təcrid olunmuş hiss edirdi və 14 yaşında məktəbi tərk etmək məcburiyyətində qalıb. O, həm boyu, həm də çəkisi səbəbindən hədəfə çevrildiyini, bunun özünəinamına ciddi təsir etdiyini bildirir.

Böyük yaşlarında boyu həyatında fərqli təcrübələrə səbəb olub.

Şarlotta ictimai yerlərdə tez-tez kişi ilə səhv salındığını və buna görə də qadın tualetindən çıxması tələb olunduğu anlar yaşayıb. O, bunu son dərəcə utandırıcı və incidici adlandıraraq, insanların kiminsə şəxsiyyətini yalnız görünüşünə görə qiymətləndirməsinin ona dərin təsir etdiyini bildirib. Buna baxmayaraq, o, zamanla fiziki xüsusiyyətlərini öz xeyrinə çevirməyə qərar verib.

2020-ci ildə Şarlotta kredit yığımındakı işini tərk edərək tamamilə məzmun yaratmağa zaman ayırıb, xüsusən də boyuna yönəlmiş videolar və sosial media məzmunu vasitəsilə böyük bir izləyici kütləsi qazanıb. Bu gün minlərlə izləyicisi olan məzmun yaradıcısı qeyri-adi görünüşünün ona modellik və media sahəsində müxtəlif imkanlar təqdim etdiyini deyir.

Lakin hər şey heç də hər zaman yolunda getməyib. Şarlotta həmçinin bəzi moda brendlərinin bədən quruluşu uyğun olmadığı üçün onunla işləmək istəmədiyini bildirir. O, bəzi brendlər tərəfindən boyuna görə riskli bir şey kimi qəbul edildiyini, lakin özünəməxsus tərzi ilə diqqəti cəlb etməyə davam etdiyini qeyd edir.

Aynil

Zorakılığa məruz qaldığı boyunu karyeraya çevirdi