Döymələrdən qurtulmaq istəyən qız həkimi məhkəməyə verib.

Metbuat.az xəbər verir ki, 23 yaşlı adanalı Dilan Kılıç bədəninin müxtəlif nahiyələrinə vurdurduğu döymələri sildirmək üçün əməliyyat keçirib. Həkim əməliyyatdan 6 ay sonra yara izlərinin yoxa çıxacağını desə də, bu baş verməyib. Bu ilin martında ikinci əməliyyat keçirən qız heç bir nəticə görmədiyindən həkimi məhkəməyə verərək, təzminat tələb edib.

"Sevdiyim libasları geyinə bilmirəm. Psixoloji durumum çox gərgindir, həyatım qaralıb" - deyə Dilan bildirib.

Əməliyyatı həyata keçirən həkim S.D isə Dilan Kılıça qarşı iddia qaldırdığını bildirib.

 

Sfera.az