Məşhur müğənni Peabo Brayson 75 yaşında vəfat edib. “Disney” cizgi filmlərinin hit müğənnisi olmazdan əvvəl o, R&B əfsanəsinə çevrilmişdi.

Sfera.az bildirir ki, Brayson ən çox "Gözəl və Bədheybət"də Selin Dionla Oskar mükafatı qazanan duetləri və "Ələddin"də Regina Belle ilə əməkdaşlığı ilə tanınır.

O, həmçinin "Feel the Fire" və "Can You Stop the Rain" kimi bir çox mahnıları ilə tanınır.

Belle, bazar günü insultdan sonra xəstəxanada Braysonu ziyarət etdiyini və "onun əlindən tutub "A Whole New World" və "Total Praise" - Peabo ilə birlikdə yazdığımız mahnının öz versiyalarını pıçıldadığını" bildirib.

Müğənni onu da əlavə edib ki, ona "sehr yaratmaqda" kömək edən kişi ilə bir daha oxuya bilməyəcəyini qəbul etmək çətindir.

1951-ci ildə Cənubi Karolina ştatının Qrinvill şəhərində anadan olan Robert Peebo Brayson, təxminən on beş yaşında ikən back-vokal oxumağa başlayıb. Bu müğənnilərdən bəzilərinin "Peabo" adını tələffüz edə bilməməsi onun Brayson ləqəbini almasına səbəb olub.

16 yaşında o, Moses Dillard və “Tex-Town Display” qrupu ilə birlikdə qastrol səfərinə çıxıb və burada onun ecazkar səsi "Cry Like a Baby" və "Bring Your Dreams to Me" sinqllarında yer alıv.

O, tezliklə Atlantada yerləşən “Bullet Records” şirkətinin baş direktoru Eddi Biskonun diqqətini çəkib. Bisko gənc müğənniyə solo karyera qurmağı məsləhət görüb və onunla müqavilə imzalayıb.

1976-cı ildə Brayson debüt albomunu buraxıb. Tezliklə o, dövrün bir çox məşhur qadın müğənniləri ilə duet oxumağa başlayıb.

1981-ci ildə "Let the Feeling Flow" mahnısı Braysonu R&B radiosunda məşhur etdi.

Lakin Braysona ardıcıl iki dəfə “Qremmi” mükafatını qazandıran “Disney” cizgi filmləri və musiqini güclü qadın vokalçılarla uğurla birləşdirmək istedadı idi.

Super ulduz Selin Dionla birlikdə ifa etdiyi "Gözəl və Bədheybət" cizgi filmindəki hit balladası ona dünya şöhrəti qazandırdı və növbəti il Regina Belle ilə birlikdə oxuyaraq "Ələddin" mahnısı ilə uğurunu təkrarladı.

Hər iki mahnı həmçinin "Ən Yaxşı Orijinal Mahnı" nominasiyasında “Oskar” mükafatına layiq görülüb.

2010-cu ildə Brayson “The 411” qız qrupunun keçmiş üzvü, britaniyalı müğənni Tanya Bonifeys ilə evlənib. Cütlüyün 2018-ci ildə bir oğlu olub.

Aynil

“Disney” cizgi filmlərinin "səsi" vəfat etdi