1a:T72c,

"Samsung" 2026-cı ilin may ayından etibarən “Galaxy A13”, “Galaxy A23 LTE” və “Galaxy M33 5G” modelləri üçün proqram təminatı yeniləmə dəstəyini dayandırıb.

Sfera.az xəbər verir ki, şirkət may ayı üçün proqram təminatı dəstək siyahısında əhəmiyyətli dəyişiklik edərək bu üç cihazı siyahıdan çıxarıb.

Uzun illər müntəzəm yeniləmələr alan “Galaxy A13” və “Galaxy A23 LTE” modelləri, eləcə də “Galaxy M33 5G” rəsmi olaraq ömrünün sonuna çatıb.

“Samsung”un açıqlamasına görə, əlverişli “Galaxy A13” və orta səviyyəli “Galaxy A23 LTE” artıq yeni proqram təminatı yeniləmələri almayacaq. Həmçinin, “Galaxy M33 5G” modeli də üç aylıq yeniləmə cədvəlindən çıxarılıb.

2026-cı ilin may ayı üçün yeni təhlükəsizlik yeniləməsi “29 Android” və “10 One UI” sistem zəifliyini aradan qaldırır. Lakin geniş yayılan “One UI 8.5” buraxılışı səbəbindən yeniləmənin son istifadəçilərə çatması bir qədər gecikə bilər.

Texnologiya nəhəngi həmçinin “Galaxy S25” seriyası və yeni qatlanan modelləri üçün uzun müddətdir gözlənilən “One UI 8.5” yeniləməsini 6 may tarixindən etibarən yayımlamağa başlayıb.

Qeyd edək ki, sabit yeniləmənin 11 may 2026-cı il tarixinə qədər dünya miqyasında uyğun cihazlara tətbiq edilməsi planlaşdırılır.

Mənsumə
Sfera.az

"Samsung" istifadəçilərinə xəbardarlıq: Yeniləmələr olmayacaq