Numeroloqlar bildirirlər ki, bəzi doğum tarixlərində karmik borc adlanan xüsusi rəqəmlər mövcuddur. Bu rəqəmlər insanın qərarlarına təsir edərək həyat yolunda eyni səhvləri təkrar etməsinə səbəb ola bilər.

Sfera.az xəbər verir ki, bu cür rəqəmləri müəyyən etmək üçün əvvəlcə həyat yolu rəqəmi hesablanmalıdır. Ən çox rast gəlinən karmik borc rəqəmləri 13, 14, 16 və 19 hesab olunur.

Məlumata görə, hesablamanı aparmaq üçün doğum tarixi rəqəmlərlə yazılır və gün, ay, il ayrı-ayrılıqda toplanaraq sadələşdirilir. Daha sonra alınan nəticələr yenidən toplanaraq 1-dən 9-a qədər bir rəqəm əldə edilir (11, 22 və 33 istisna olmaqla). Bundan sonra isə hesablamanın müxtəlif mərhələlərində 13, 14, 16 və ya 19 rəqəmlərinin yaranıb-yaranmadığı yoxlanılır.

Mütəxəssislər qeyd edir ki, əgər bu rəqəmlər hesablamanın hər hansı mərhələsində ortaya çıxırsa, bu, insanın həyatında müəyyən “karmik dərslər”in olduğunu göstərə bilər.

Numeroloqların izahına görə, 13 rəqəmi intizam və zəhmətlə bağlıdır və bu halda insan başladığı işləri yarımçıq qoymaq və ya nəticə əldə etməkdə çətinlik çəkə bilər.

14 rəqəmi isə azadlıqla əlaqələndirilir və nəzarətin itirilməsi, həddən artıq davranışlar və asılılıqlarla özünü göstərə bilər.

16 rəqəmi daha çox insanın eqosuna təsir edir və həyatında ciddi dəyişikliklərə səbəb ola bilər. Bu dəyişikliklər isə daha dərin düşüncə və özünü dərk etməyə gətirib çıxara bilər.

19 rəqəmi isə müstəqillik və məsuliyyətlə bağlıdır, lakin mənfi hallarda tənhalıq və dəstək istəməkdə çətinlik kimi problemlər yarada bilər.

Bununla yanaşı, mütəxəssislər vurğulayır ki, numerologiya elmi əsaslara söykənmir və bu cür yanaşmalar daha çox inanclara və fərdi interpretasiyalara əsaslanır. Bu səbəbdən belə məlumatlar qərarvermə prosesində əsas vasitə kimi qəbul edilməməlidir./lent.az

Doğum tarixinizdəki bu rəqəm həyatınızı məhv edir